«الحق نفسك و احجز معانا كورس تعديل السلوك واستمتع بتربية كلبك من غير مشاكل»، إعلان منشور على موقع التواصل الاجتماعي «فيسبوك»، بأحد صفحات تدريب الكلاب، مما أثار جدل على السوشيال ميديا بين «هو الكلاب كمان سلوكها وحشة» و«كلب سلوكه سيئة إزاي بيعمل إيه يعني».
أحمد عبدالمطلب أحد المسؤولين عن الصفحة، شرح لـ «الوطن» أنهم لديهم كورس تعديل سلوك للكلاب موضحا أن سلوك الكلب السيئة تعني أن يكون: «عدواني، بيعض، عنيد، بيخرفش، بيقطع أي حاجة، بيعضعض، بيحفر، مهيبر، وغيره من السلوكيات».
كورس تعديل سلوك الكلب بمقابل مادي 3500 جنيه
ويكون دور مركز التدريب، هو تعديل سلوكه من خلال إقامة الكلب لديهم من 10 لـ 15 يوم، والسعر 3500 جنيه، شامل الإقامة الكاملة من رعاية بيطرية وأكل وشرب، وخدمة عملاء يتواصلون مع صاحبه بشكل يومي ويرسلون فيديوهات أثناء التدريب كما يتيح لمالكه أن يأتي في أي وقت لرؤيته، بحسب وصف أحمد.
عرض خاص وجديد من مركز التدريب «ضمان مدى عمر الكلب»
«إحنا عاملين عرض وهو عبارة عن ضمان مدى عمر الكلب».. هكذا يقدم المركز خدمة جديدة وفقا لقول أحمد موضحا أن في حال احتاج الكلب في المستقبل لإعادة تعديل السلوك أو إذا عاد مرة أخرى لسلوك سئ أو لم يتذكر ما تعلمه يمكن الرجوع لهم في أي وقت: «أي حد ممكن يدرب وخلاص كده ميرجعش تاني للمكان لو نسي سلوك بعد فترة أو تصرفاته اتغيرت تاني لكن إحنا بندي ضمان في أي وقت».
كما أن لديهم كورس الطاعة، وهو تدريب للكلب حتى ينفذ طلبات صاحبه، ويقدم بسعر 2500 جنيه: «بنخليه يسمع كلام صاحبه في أي حاجة ولو مش مؤهلة تتعاملي معاه بنأهلك تتعاملي معاه إزاي برده».
تعليقات الفيسبوك