​

يحرص بعض المواطنين على متابعة توقعات خبراء الفلك والأبراج للعام الجديد بينما يتابع البعض كروت التاروت وهي عبارة عن 78 كارتا لها أشكال ورموز ومشاهد مثل الصور التي يتم تجميعها وأن هذه الرموز يتم دراستها وتفسيرها عند وضعها بجوار بعضها مثل الجمل اللغوية وأن هناك بعض الخبراء الذين يمكنهم ترجمة هذه الصور بعد وضعها بجوار بعضها البعض مثل خبيرة التاروت بسنت يوسف، والتي تحدثت عن توقعاتها للعام الجديد خلال لقاء تليفزيوني مع الإعلامي عمرو أديب في برنامج «الحكاية» المذاع عبر فضائية «mbc مصر»، نرصدها لكم كما يلي:

1- حياتنا هتبقى أفضل في 2021 وسنة 2020 مش هتتكرر تاني بس إحنا نعدي أول شهرين لأنهم مشبوكين وأول شهرين صعبين وليهم حاجات غريبة ممكن تحصل ولو فيه كائنات فضائية موجودة ممكن نشوفها في الشهرين دول لمد 3 سنين والشهرين دول اعتبروهم بقية 2020.

2- الدفة اتنقلت للسرطان والميزان والحمل والجدي ودي بنسميها أبراج منقلبة لأننا بتتغير في فصول السنة وحياتهم هتبقى أفضل السنة دي وكلنا حياتنا هتبقى أفضل لأن سنة 2020 مش هتتكرر تاني والأبراج دي شالت فوق طاقتها.

3- الطور والأسد والعقرب والدلو عندهم تغيرات إيجابية والأبراج دي إيجابية وقدرتها على المواجهة أكبر وكل الأبراج عندها فرص هايلة.

4- زوايا التقاء المشترى مع زحل محصلتش من 616 سنة ولما بتحصل الدنيا بتتغير وشكل الأرض بيتغير.

5- ناخد مصل كورونا لأنه هيكون عامل مساعد قوي وخده بدون نقاش لأنه لو مش هينفع مش هيضر لكن هينفع.

6- تحذير لبرج الحوت من استخدام الأدوية لأنها من الممكن أن تسبب له مشاكل.

7- هناك 6 كواكب ستتراجع وسيحدث خسوف وكسوف وحذرت من الفترة (15 مايو لـ آخر يونيو).

8- مواليد الـ10 أيام الأخيرة من أي شهر واللي بتوافق أول 10 أيام في أي برج هيكون عندهم أحداث مميزة كثيرة جدا.

9- الأهلي مش هياخد الدوري ولا الزمالك وممكن الزمالك ياخد الدوري وممكن ياخد حاجة تانية غير الدوري والأهلي مش هياخد كأس العالم للأندية والأهلي احتمال يبقى عنده مشاكل وميعرفش ياخد الدوري.

10-جو بايدن هيكون عنده مشاكل كتير جدا ودايما صراعات ومشاكل واختناقات بسبب صراع داخلي وهيلاقي ضغوط من جوة وهيحس إنه محدود ومقيد، وفيه قرارات هتطلع هتعمل انقسام كبير في أمريكا.

11-إصابات كورونا في مصر هتزيد كتير وكمان الوفيات هتزيد ولازم الشعب يلتزم.

12-سنة 2021 مش هتكون سهلة في لبنان وممكن الإنجازات اللي يوصلوا لها تتغير في آخر لحظة وسعد الحريري لن يشكل الحكومة إلا بعد التنازلات.

13-ترامب هيغادر البيت الأبيض وهيعمل ضغوط على الرئيس الجديد جو بايدن.

14-الوضع الاقتصادي في مصر هيكون فيه تقبل وارتياح وهنكون خلال العالم زينا زي غيرنا وهيبقى فيه وضع ضاغط اقتصاديًا والناس مش هتعاني والوضع هيبقى مقدور عليه وهيكون فيه دول كتير بتعاني جامد من عدم توافر الموارد.

15-فيه عرض قوي لمحمد صلاح بنفس قوة ليفربول هيجي له وهو كده كده هيسيب ليفربول ولو مش السنة دي يبقى اللي بعدها ولما يمشي مش هيمشي بسبب العروض.

16-عمرو دياب هيفضل كويس في 2021 وهيبقى عنده نجاحات وهو فاهم هو بيعمل ايه وهنشوفه متألق وناجح كالعادة لكن مش من أول السنة وهيحافظ على أخباره وأسراره.

17-شيرين عبدالوهاب عندها تغيير هتعمله وفيه حاجة مش مريحاها وفيه وضع مش مريحها ومش عارفة تاخد فيه قرار حاسم وهتنفذه والوضع هيبقى أفضل كل لما السنة هتتقدم.

18-منتخب مصر كويس في سنة 2021 وفيه بطولة هيدخلها هيثبت وجوده فيها.

19-موسيماني المدير الفني للأهلي، مكمل خلال عام 2021 وهيكون عنده مشاكل.