برج السرطان
قالت مايا ناجي، خبيرة الأبراج، إن برج السرطان من أكثر الأبراج التي تسعى ودائما لديهم أمل، وطوال الوقت يفكرون كيف يحصلون على المال لتلبية احتياجاتهم وينجحون، كما أن مواليد هذا البرج لديهم الإمكانية والقابلية لتغيير نشاطهم «يعني مثلا لو شغال في مجال ممكن عادي يغيره ويفتح مجالات أخرى وهو أيضا من أكثر الأبراج التي تسعي وسيكون لديها حظ في 2021 لكن نصيحتي ليهم متيأسش وابعد عن الاكتئاب شوية وأي حد يصدر لنا طاقة سلبية ياريت نبعد عنه في السنة الجديدة».
وأضافت ناجي، في تصريحات خاصة لـ«الوطن»، أن «كتير جدا ناس عمالة تشتكي من 2020 ويقولوا تغور السنة دي، نصيحة بلاش نسب الأيام والسنين لأن كلها أيام ربنا وساترها علينا، وما دام إحنا لغاية دلوقتي لسه بنتنفس وربنا مدينا الصحة يبقي نحمد ربنا على اللي فات، علشان ربنا يقف معانا في اللي جاي، وأي شخص يصدر لنا طاقة سلبية اعملوله بلوك، لأننا مش عاوزين طاقات سلبية ومحتاجين تفاؤل لأن العالم ياما مر بأزمات وكورونا اللي الناس شيفاها أزمة كبيرة لاء، لأن كان في زمان أمراض وأوبئة أكتر من كده وناس كتير ماتت، وفي الآخر دي إرادة ربنا، لكن مع السعي هنوصل».
وتابعت، بأن برج الميزان والدلو بصفة عامة هما من الأبراج الهوائية «يعني شوية بيقولوا آه وشوية لاء وأوقات بيسعوا لكنهم بيكتئبوا بسرعة، لذلك نصيحة لهم بالابتعاد عن الطاقة السلبية، لافتة إلى أن برج الميزان لما بيحط حاجة في دماغه بيوصلها وهو من الأبراج التي لا يستهان بها، والدلو أيضا من الأبراج الجيدة بس ابعد عن الدوشة اللي حواليك لأن الناس الكتير اللي حواليك بتصدرلك طاقة سلبية وياريت أصحاب هذا البرج لما يحطوا دماغهم في الشغل يركزوا جدا ويشوفوا هما عايزين ايه».
وأشارت، إلى أن أصحاب برج الحمل لديهم العند والأنا عالية جدا، ولا يتنازلون بسهولة «مش بقول اتنازلوا لكن يجب أن يتأقلموا ويسمعوا النصيحة وكفاية عِند، لأن العند عندهم ملوش نهاية وخاصة ستات الحمل اللي بيكونوا أقوياء وبـ100 راجل، لكن نصيحة: إنسى الاكتئاب والطاقة السلبية، لأن ست برج الحمل يطلع منها طاقات وقدرات جميلة بس تبعد عن والاكتئاب وهما من الستات المحظوظة التي تسعي وطيبة ومخلصة في عملها».
تعليقات الفيسبوك