انفجار ماسورة مياه
قبل يومين داخل أحد شوارع مدينة العبور، انفجرت إحدى مواسير المياه العمومية، وسط حديقة خضراء صغيرة، ووصلت المياه إلى بلكونات الدور الثالث، وأغرقت الشقق وواجهات العمارات المجاوة، بالإضافة إلى غرق المساحة الخضراء وتدهور شكلها بعد موت أغلب النباتات المزروعة.
يحكي محمد رجب أحد السكان: "أنا كنت قاعد فجأة، وكنا بالليل وسمعت صوت انفجار شديد، اتخضيت وجريت على البلكونة بشوف إيه ده، لاقيت ماسورة المياه العمومية انفجرت، واتغرقت والشقة من جوه غرقت والعفش كمان، ومش إحنا بس، كل الشقق اللي جنب الماسورة، لأنها طلعت لحد دور مرتفع".
وبسرعة بديهة، بحث "محمد" عن محبس المياه العمومي وغلقه، لحين حل هذه الأزمة المفاجئة: "عشان أنا مش مقيم في المدينة بصفة دايمة، دوخت عشان ألاقي المحبس، والسكان غصب عنهم من رعبهم وخوفهم، أول مرة يتعرضوا لموقف زي ده، فضلوا واقفين مكانهم مش عارفين يتصرفوا إزاي، لحد ما ربنا ألهمني أني أجري أدور على المحبس".
ورغم أن المسؤولين عن صيانة مرافق المدينة، سارعوا بحل الأزمة وانتهوا منها في خلال وقت قصير من انفجار المأسورة، إلا أن انفجارها تسبب في تلف بعض الأثاث المنزلي، وكذلك المساحات المزوعة: "كل النباتات اللي موجودة غرقت وماتت والأرض بقى شكلها وحش جدا ومحتاجة تتزرع من أول وجديد، وأول مرة في حياتي أمر بأزمة كبيرة زي دي، وأشوف ماسورة مياه تنفجر وتضرب لحد الشقق فوق، ولا كأنها كانت نافورة".
ويحرص السكان حاليا، على إغلاق المحبس العمومي للمنطقة باستمرار خصوصا خلال أوقات الليل، لتخفيف الضغط على عمل المواسير، بحسب محمد، الذي ينوي مناقشة وضع الحديقة مع السكان، ومحاولة زرعتها مرة أخرى، حتى لا تفسد التُربة الأساسية.
تعليقات الفيسبوك