وجبات كلاب
تصطف قطع صدور الفراخ في اللانش بوكس، أسفلها كمية من الأرز المخلوط بقطع الخضار، بدون أي زيوت نباتية أو أملاح، يبدو الصندوق من الخارج أكله شهية، أو وجبة نصح مدرب صالة الألعاب الرياضية بتناولها، لكنها في الحقيقة أكلها خاصة بالكلاب.
ومع بحث مربو الكلاب الدائم عن اللحوم والأصناف المختلفة منها لتغذية كلابهم، أطلق أحد المحال الأونلاين المتخصصة في طعام الكلاب، وجبة سماها "ريزو"، لإطعام الكلاب، تحتوي على صدور فراخ، ومفروم لحوم، وأرز مخلوط بخضار مفروم.
يوضح عبد الرحمن حسين، صاحب المطعم، الفكرة، قائلا: "لو أنت بتربي كلب بتحتاج أكل معين عشان معدته ماتتعبش، عشان كده إحنا عملنا وجبات صحية للكلب بدون توابل أو زيوت"، مشير إلى أن التوابل والزيوت بشكل واضح على معدة الكلب، باستثناء نوعان، هما زيت السلمون والزيتون، المهم جدا كغذاء للكلاب ولشعرهم.
لن يستطيع البشر تذوق هذا النوع من الطعام، فهو مصمم خصيصا للكلاب، وتم طهيه بطرق معينة: "الأكل معمول على بخار المياه، مينفعش نسلقه في المياه، لأن كده بيضيع الفوائد اللي في الأكل، فبيتم على بخار ماء، وبياخد وقت طويل جدا علشان يستوي، الشيف بيقعد فيه اليوم كله".
يفرم الخضار جيدا، لكي لا يشعر بطعمه الكلب، فالكلاب ليست نباتية ولا تتناول أي نوع من الخضراوات، وفقا لصاحب الفكرة: "الكلب لو جيت أديت له قطعة جزر مش هياكلها، عشان كده بنفرم الخضار خالص، فمش بيحس بيه".
يصل سعر وجبة "ريزو" إلى 25 جنيها، ويتم بيعها بالوزن، لكنها لاقت سخرية كبيرة من الجميع، خاصة بعد نشرها على الإنترنت ومواقع التواصل الاجتماعي، إذ يؤكد "عبدالرحمن" أن السخرية منها وأخذها مادة لـ"الكوميكسات"، هو سبب نجاحها: "لولا الناس اللي ضحكت مكناش هنوصل للي وصلنا له، البوست جاب شير كتير، واتعمل عليه كوميسكات، وفي ناس بتسأل مش ده أكل الجيم".
يرى البعض أن الطعام نفسه وطريقة طبخه وتغليفه، مبالغ فيه بالنسبة لأكل حيوان، لكن صاحب عبد الرحمن صاحب فكرة الوجبة، له رأي آخر، إذ يقول: "كل السخرية دي بتعملي دعاية في الآخر، أنا مبسوط منها ونفسي يكملوا".
تعليقات الفيسبوك