يوسف مصاب بضمور الأعصاب
لا يعيق المكافح إصابته بمعوقات قد تمنع الكثيرين من السعي ومحاولة كسب لقمة عيش شريفة، ولكنه يرفض أن يكون مثل الآخرين المتكاسلين، تلك الكلمات الأخيرة تتناسب مع العشريني يوسف محمد من محافظة القاهرة، يعاني من مرض ضمور الأعصاب، والذي أبى أن يستسلم لمرضه، وقرر أن يطرق الأبواب المغلقة في سبيل الحصول على فرصة عمل تناسب إعاقته التي لازمته منذ أن كان في الثالثة من عمره.
على كرسي متحرك يتجول الشاب العشريني من أجل الحصول على عمل شريف، ولكن حتى الآن دون جدوى، ما دفعه إلى نشر بوست على فيس بوك من أجل الترويج لنفسه كي يتمكن من إيجاد فرصة عمل: "عندي ضمور في الأعصاب، من صغري، لكن ربنا كرمني وكملت تعليمي بفضل أبويا وأمي اللي كانوا بيشيلوني علشان أروح المدرسة لحد ما دخلت كلية الآداب".
ويتابع: "الحالة ملهاش علاج، وعملت جلسات قرص نحل ومفيش فايدة، والاطراف عندي ميته، لكن أنا محتاج شغل، كنت شغال قبل كده كول سنتر من البيت لكن المرتب كان قليل فسيبته، ونفسي حد يهتم بيا زي ما بيهتموا بالكابتن مؤمن زكريا".
عن معاناة العشريني مع المرض يقول محمد عبدالواحد والد الشاب المصاب بضمور الأعصاب إن نجله منذ ميلاده كان يعاني من مشاكل في المشي، على الرغم من تمكنه من السير في عمر 9 أشهر، ما يعني أنه تمكن من المشي مبكرا ولكن مع عمر الثلاثة أعوام بدأت أعراض المرض تظهر عليه: "بدأنا نلاحظ حاجة غريبة في رجله، وفكرنا إنها تقصير، بدأنا نعمل جلسات كهرباء في مستشفى أبوالريش، وركبنا له جهاز في الركبة، وارتضيت بقضاء ربنا وبقيت أخده معايا المدرسة في الابتدائي، وفي الإعدادية الموضوع زاد شوية ومبقاش يقدر يمشي حتى فجيبنا له كرسي متحرك، وزمايله كانوا بيساعدوه يروح المدرسة، لحد ما أخد الشهادة".
ويضيف: "في الثانوي مكنش بيروح طبعا، علشان المدرسة كانت بعيدة عن البيت، فقدمت له دمج ونجح وربنا كرمنا ودخل كلية الآداب جامعة عين شمس".
قبل الانتهاء من أداء امتحانات التيرم الأول للسنة الأولى له في الجامعة أصيب العشريني في حادثة سير ما أدى إلى تركيب مسامير وشرايح في قدمه: "وهو رايح الامتحان السنة اللي فاتت كان نازل من كوبري حدايق القبة، عربية خبطته واترمى من فوق الكوبري نزل يتدحرج، وده زود الإعاقة كمان".
لا يستطيع "يوسف" تحريك أطرافه وهذا ما يمنع قدرته على العمل بشكل طبيعي، ولكنه لم يفقد الأمل في الحصول على عمل يناسب حالته الصحية: "محتاجين شقة له لأننا في الرابع وبجيب ناس تشيله تطلعه الشقة لأني مريض، وكمان شغلانة تناسب حالته نفسي أطمن عليه".
تعليقات الفيسبوك