"اشرب بانجو فريش"، لافتة إعلان كبيرة الحجم أثارت استغراب ودهشة سكان جزيرة العوامية، داخل محافظة الأقصر، بهذه الطريقة المختلفة والمبتكرة قرر أحمد أبو القاسم مسؤول أحد الكافيهات، الترويج والدعاية للمكان، بهدف زيادة الربح، من خلال أكبر عدد من الرواد يومياً.
بدأ "أحمد" في تعليق اللافتة بيوم الثلاثاء الماضي، ومنذ ذلك الحين زاد أعداد المترددين على الكافيه بشكل ملحوظ: "قبل يوم التلات كان العدد اللي بيزور المكان أقدر أقول عليه عادي إنما من بعد ما عملنا الدعاية بالشكل ده بنسبة 100% الزباين عدد زاد"، بحسب "أحمد"، وهذا المشروب، عبارة عن مانجو فريش، ولاعب في الحروف باستبدال حرف الميم بالباء، وأصبحت "بانجو"، وبمجرد قرأتها أو رؤيتها بالشارع، ستلفت انتباه المارة إجبارياً: "قدرت أحقق الغرض من اللافتة والفكرة حققت انتشار كبير جداً ومكنت متخيل أن ده يحصل بالسرعة دي".
ما بين الترحيب والانتقاد، استقبل الزبائن فكرة الإعلان: "في ناس علقت ومكنش عاجبها وإزاي تعملوا الإعلان بالشكل ده وميصحش وكتبوا لنا كده على الصفحة بتاعتنا، وفي كتير جداً عجبوا الفكرة ورحبوا بها وزارونا في الكافيه وقعدوا يهزورا معانا عايزين بانجو فريش، وطبعا اللي بيتقدم بيكون كوباية المانجا، وبكده بيكون الكافيه عمل لنفسه دعاية كبيرة من لافتة واحدة"، ووفقاً لـ "أحمد"، يقدم المشروبات بأسعار متوسطة، وبدون إضافة ضريبة أو خدمة، وذلك بهذف جذب الزبائن وتوفير بعض النفقات.
"مكان مظبوط على دماغك"، شعار رفعه "أحمد"، وكان قد افتتح الكافيه في شهر يناير الماضي، وكان يستقبل أعدادا محدودة قبل عمل هذا الإعلان المبتكر والترويج للكافية بطريقة مختلفة وساخرة: "والترويج مبقاش للمكان بس بقى للمشروب نفسه وعدد الزباين اللي بتطلب تشرب مانجا يومياً كبير جداً مقارنة بأي مشروب تاني".
تعليقات الفيسبوك