سيارات مستعملة
ساحة كبيرة واسعة، تستعد لاستقبال نحو 2000 شخص، سيجلسون وأمامهم 4 سيارات مستعملة بمفاتيحهم، يصل سعر السيارة الواحدة منهم إلى 50 جنيها فقط، كل يأتي ويحمل في جبعته حظه، سيدفع كل مشترك في البداية مبلغ السحب، وينتظر صاحب الحظ السعيد أن يحظى بفرصة شراء سيارة يبدأ سعرها من 50 إلى 150 جنيها.
محمود آمين، صاحب هذه الفكرة، يعمل في التفتيش البحري، ويهوى التعديل على السيارات وإعادة تصنيع وهيكلة السيارات القديمة، خطرت في باله فكرة إخراج 4 سيارات لعمل سحب عليها، بسبب وجود العديد منهم لديه، يحتاج إلى بيعهم: "العربيات كلها عندي جاهزة ومستعدة للعمل، ومش محتاج يتصرف عليها أو يتعدل فيها أي حاجة، ومعاها رخصة سواقة سنتين، هاعمل للفائز توكيل والعربية هتبقى بتاعته كأنه شاريها، والرخصة سارية سنتين لو عاوز يعمل رخصة جديدة براحته، عاوز يستنى لغاية ما الرخصة تنتهي ويجدد عادي".
"50 جنيه على 50 جنيه على 80 على 150، هاحقق سعر العربية ومكسبي كمان"، كلمات قالها "أمين" يوضح من خلالها هدف فكرته، وهي تحقيق المكسب المناسب له، من خلال الرسوم التي سيدفعها المشتركون، فالسيارة المستعملة الواحدة كلّفته ما يقرب من 30 ألف جنيه، يتخطي سعر السيارة 5 آلاف جنيه: "المشترك هايدفع رسوم السحب، على حسب القيمة والعربية، والرسوم دي هاتبقى مكسبي في الآخر، وهيفوز 4 أشخاص بـ4 عربيات".
يحتاج صاحب الفكرة إلى 1300 مشترك لتعويض ثمن السيارات التي لديه، و2000 مشترك ليحقق المكسب المناسب له: "4 بس من المشتركين هما اللي بيفوزوا ومش بيدفعوا أي فلوس زيادة على فلوس السحب، وفلوس باقي المشتركين اللي مطلعش اسمهم في الورقة بتبقى ليا".
"فيات 128، فيات 131، دوجان شاهين، هيونداي كوبيه"، 4 سيارات بحوزة "آمين"، ستعرض خلال السحب بعد شهرين من الآن، يصل سعر أعلى فئة منهم إلى 150 جنيها: "سعر فيات 128 بـ50 جنيه، وفيات 131 بـ70 جنيه، ودوجان شاهين 80 جنيه، وهيونداي كوبيه 150 جنيه".
يقدم كل مشترك اسمه مع دفع قيمة السيارة المراد دخول السحب عليها، منهم من سيدفع 50 جنيه ليحصل على "فيات 128"، والأخر سيدفع أعلى مبلغ ليحصل على "هيونداي كوبيه"، بحسب "آمين" والذي أكد أن كل مشترك سيكتب اسمه على ورقة، وسيتم سحب 4 ورقات من كل قيمة: "المشترك بيدخل السحب بالمبلغ اللي هو عاوزه ما بين المعروض، وعلى أساسه بيتم السحب".
يتم السحب في وجود جميع المشتركين، ويختار "آمين" طفلاً صغيراً من الموجودين ليقوم هو بسحب الورقة، لتوفير المصداقية اللازمة لعملية السحب: "القرعة على عينك يا تاجر، واللي بيسحب القرعة ميعرفنيش ولا يعرف حد، وهيكون طفل عشان المصداقية".
منذ يومين فقط، أعلن صاحب الفكرة عن فكرته، ووصل عدد المشتركين الذين دفعوا قيمة السحب إلى 800: "الايفنت اللي هيتم فيه السحب هيبقى كمان حوالي شهرين، وهيكون في ساحة كبيرة عشان تستوعب الكمية الكبيرة من المشتركين، وهنوزع عليهم مشروبات وخدمة 5 نجوم".
تعليقات الفيسبوك