عادة طيبة ومميزة تمارسها أسماء السيد، من أبناء محافظة الإسكندرية، كل عام بالتزامن مع ذكرى المولد النبوي الشريف، إذ تقوم بإعداد أطباق الأرز باللبن بالمكسرات، وشربات بالفراولة، وتوزعهم على جيرانها المسلمين والمسيحين بالعمارة، لخلق المودة والرحمة بينهم، وتقوية الروابط الاجتماعية.
"من الحاجات اللي وصانا عليها النبي هي سابع جار، ولازم علاقاتنا بجيرانا تبقى كويسة وتقوم على الحب والاحترام، عشان نحس أننا أسرة واحدة" كلمات تقولها أسماء، وترددها باستمرار، ومنها استمدت فكرتها للاحتفال بالمولد النبوي الشريف وسط جيرانها كل عام.
تستيقظ أسماء، مبكرا في هذا اليوم، وتعد هذه الأطباق خصيصا، وتوزعها ساخنة على جيرانها: "السنوات اللي فاتت كنت بوزع شربات دايما، وجيراني بيستنوا الحاجات الحلوة اللي بحب أفرقها عشان تبقى معايدة لطيفة ونحتفل سوا، والسنة دي اختارت الرز باللبن بالمكسرات الكاجو والبندق والزبيب، عشان أغير لحبايبنا اللي حواليا، ومفيش حاجة تكتر عليهم ولا خسارة فيهم"، موضحة أنها أعدت 6 أطباق بحجم عائلي، كل طبق يكفي 4 أفراد على الأقل.
احتفال السيدة السكندرية هذا العام، كان مختلفا ومبهجا، جعلها تشعر بالسعادة والرضا بسبب توطيد علاقاتها بجيرانها بالعمارة: "مولد النبي كان فرصة نتعرف على بعض أكتر ونتمنى الخير لبعضنا"، ولاقت بادرتها رد فعل إيجابي واحتفاء كبير بعد توزيعها لأطباق الرز باللبن: "قالوا لي كتر خيرك وربنا يكتر من أمثالك، ودعوا لي ربنا ينجح ولادك ويفرحك بهم وتجوزيهم، وتطلعي أنتي وجوزك عمرة وتزوروا النبي قريب، ودي من أحسن الدعوات اللي ممكن اسمعها في حياتي ويارب تتحقق فعلاً".
وزعت "أسماء"، أطباق الأرز بلبن على جيرانها المسلمين والمسيحين دون تمييز: "الاحتفال بمولد النبي عمره ما كان للمسلم، بس كمان أخواتنا المسيحين، إحنا بنشارك بعض في كل حاجة"، وهذه الطقوس سنوية لها وتستمر في ممارستها: "كل سنة هعمل حاجة جديدة وأقدمها لجيراني ونحتفل مع بعض"، مشيرة إلى أنها تمتلك قناة طبخ على موقع اليوتيوب، وتشارك متابعيها بوضع وشرح وصفات طعام مصرية وغريبة.
تعليقات الفيسبوك