مطلق سعودي
حالة من الغموض فرضت نفسها على واقعة اختفاء الشاب السعودى مطلق سلطان، أحد مشاهير تطبيق "سناب شات"، إذ أكد مجموعة من أصدقائه أنه مختفي منذ 4 أشهر، وأنهم يديرون صفحته كـ"أدمنز"، دون أن يعلموا الحقيقة وراء غيابه.
فوجئ المتابعون لصفحة مطلق سلطان الرسمية على موقع فيسبوك بمنشور مساء أمس، يقول: "إحنا بقالنا فترة كأدمنز بندير صفحة مطلق وكتير منكم بيسأل هو فين؟ بس الحقيقة إنه بقالنا ٤ شهور بنكلمه ومايردش، ومانعرفش فينه، والاختفاء ده مريب جدا"، ثم كتبوا: "إذا فى يوم مطلق رسم ضحكة على وشوشكم فعلوا هاشتاج #مطلق_سلطان_وينك".
وتحت هذا الهاشتاج تفاعل عدد كبير من متابعى "مطلق" الذين تعاطفوا معه وتساءلوا عن سبب اختفائه، منهم حساب يحمل اسم "الظلال"، كتب أن اختفاء مطلق سلطان منذ 4 أشهر، يحمل بعض "الرعب النفسي"، وأنه حتى الآن لا أحد يعرف مكانه لا أدمن صفحته ولا مديرة أعماله ولا أصدقائه.
وأضاف: "ناس كتير أكيد مش عارفين أن مطلق هو شاب سعودي بيقال أحيانا أنه سوري، وأوقات تانيه كويتي، بس والده كتب تويتة أفصح فيها عن أصولهم اللي بتثبت ان مطلق سعودي الأصل، وهو واحد من مشاهير السوشال ميديا، ليه فيديوهات كتير كوميدية متابعيه تجاوزوا الملايين علي تويتر وانستجرام وسناب بسبب خفة دمه اللي جذبت الأنظار ليه".
وتابع حساب "الظلال": "دايما مشاهير السوشال ميديا بيبقى تحت سبوت الأضواء في كل مكان بيرحوه، وده بيسبب لهم خنقة طول الوقت، وارد جدًا أغلبنا بيوصل لمرحلة طاقته فيها بتختفي وبدل ما يتعافى ويساعد نفسه على التغلب على الطاقة السلبية بيبعد وبينعزل، والعزلة مش دايما سهلة على الناس الضعيفة دي بتخلق كوارث، وأظن اللي بيأكد النظرية ديه حالات الانتحار اللي في كوريا والهند بين مشاهير معروفين".
وأثيرت حالة من الجدل بين متابعي مطلق سلطان، فبينما قال بعضهم إنه سجين قيد قضية سب تورط فيها، ولم تحسم رانيا يحيى مديرة أعماله فى مصر، الجدل بل زادتها.
تقول رانيا: "بمجرد ما تم الإعلان عن اختفاء مطلق رسميا، وأنا انهالت عليا الماسجات والمنشنز اللي بتسألني مطلق السلطان فين، بصفتي صديقته ومديرة أعماله بمصر، والحقيقة إني زيي زيكم، آخر مرة كلمت مطلق من 4 شهور، وقالي إنه كان في مشكلة معه بسبب حد رافع عليه قضية سب على السوشيال، وعدت بخير وبيحضر حاجات جديدة، وأنه محتاج يفصل بس شوية".
وأضافت مدير أعمال مطلق السلطان في مصر، عبر صفحتها على موقع "فيسبوك: "أنا ترجمت غيابه أنه حابب يخرج بره السوشيال شوية، خاصة أن إحنا بنتكلم على فترات عند الحاجة، لكن لما لقيت نازل إمبارح بوستات أنه توفى إثر التعذيب بالسجن اتخضيت، وحاولت أتواصل مع أهله بس فشلت".
وبعد أن انهالت التعليقات التى تتهمها بالتقصير فى السؤال عنه طيلة 4 أشهر، أكدت رانيا: "الناس اللي بتتهمني بالتقصير أنا آخر حاجة قالها لى إن موضوع القضية خلص على خير، وبقيت أتصل مايردش، أبعت واتساب يعمل سين ومايردش، ومطلق أحيانا كتير بيعمل كده وينسى يرد أصلا، ويرجع بعدها بشهرين، فبقول إنه عادي مفيش حاجة تقلق، وبعدين أنا في بلد وهو في بلد ومش بتواصل مع حد عنده".
تعليقات الفيسبوك