لا يجدن مقاساتهن بسهولة، ويعتمدن على أزياء محدودة غالبية الوقت، ويواجهن أزمة كبيرة خلال أداء فريضة الصلاة بسبب عدم توافر ملابس فضفاضة تناسب أحجامهن الصغيرة، ما دفع عصام شحاتة، مسؤول مصنع ملابس للأقزام بمحافظة الإسكندرية، إلى إنتاج أول خط لإسدالات الصلاة لقصار القامة.
"الإسدال بالنسبة لأغلب السيدات مش بس للصلاة ولكن عشان تستقبل به الضيف أو تنزل تروح به السوق وده بيسهل حركتها وسريع في اللبس وللأسف مكنوش بيلاقوا مقاسات تناسبهم"، بحسب "عصام".
ورغم أن المصنع جرى افتتاحه منذ 3 سنوات، إلا أن إنتاج الإسدالات يعتبر جديداً منذ أشهر عدة، ويجري بيعها داخل المصنع نظراً لعدم وجود محلات أو مولات تجارية خاصة بهم: "بالنسبة للأقزام كلنا بنشتري من المصنع وأنا واحد منهم وكمان كل اللي شغالين أقزام ودول أنسب عشان يراعوا الدقة والأذواق اللي بتناسب كل الأقزام سواء كانوا رجالة أو ستات".
ويتحدد سعر الإسدالات وفقاً لطول السيدة، والإسدال بـ250 جنيها يناسب طول 140 سنتيمتر، وبـ200 جنيه، للأقل من هذا الطول، ووفقاً لـ"عصام"، هناك إقبالاً كبيراً بين السيدات الأقزام لشراء هذه الإسدالات، ويقدم المصنع أشكالا وألوانا مختلفة ومتعددة منها، وتناسب للخروج والزيارات العائلية: "السيدات فرحوا جداً بإنتاج الإسدالات لهم والأسعار مناسبة جداً خصوصاً أن البيع بنص الثمن يادوب ثمن تكلفة التفصيل لأن المصنع مش بيورد للمحلات" بحسب "عصام".
كما أن المصنع يقدم البيجامات البيتي أيضاً، بأسعار رخيصة تتراوح بين 100 و150 جنيها: "والترنجات الشتوي كمان قربت تنزل في المصنع وكل قزم له مقاس طول وعرض معين والتفصيل بيكون مخصوص لكل شخص لوحده"، وبحسب "عصام"، يجري إنتاج البيجامات بشكل وألوان حديثة الموضة: "عشان الأقزام ميحسوش بأي فرق بينهم وبين المواطنين كل الترينجات اللي بتعجبهم في السوق أو الإسدالات بيتم بتنفيذها في المصنع لهم بنفس الشكل والألوان وكمان جودة القماش المستخدم كويس جداً عشان الملابس متتقطعش بسرعة وتقعد معاهم لأطول وقت".
تعليقات الفيسبوك