تصدر "هاشتاج" تحدي أول مرتب "first salary slip challenge"، تريندات تويتر، بعدما دشن العديد من رواد موقع التغريدات القصيرة، الهاشتاج عبر صفحاتهم الشخصية.
وشهد الهاشتاج مشاركة بعض المشاهير أيضًا، حيث كشف المطرب محمد الشرنوبي، عن أول مرتب يحصل عليه، عبر صفحته الرسمية على تويتر: "200 جنيه سنة 2005".
وبدوره، شارك المعلق الرياضي الشهير، بلال أحمد علام في الهاشتاج المتصدر لتريندات تويتر، ليوضح أول مرتب حصل عليه، مغردًا: "260 جنيه سنة 2000".
أبرز تغريدات رواد السوشيال ميديا على هاشتاج تحدي أول مرتب
وسخر حساب يدعى "أنس المنسي" من مبلغ أول مرتب حصل عليه، معلقا: "265 وقالتلي معاك فكة قلتلها اه، قالتلي كل شهر وأنت طيب يا دكتور".
وغرد حساب يحمل اسم "أحمد عصام": "كنت باخد 120جنيه في الشهر، كنت شغال مع ميكانيكي، وكان عندي سبع سنين".
وروى "ميدو" تفاصيل أول مرتب، قائلا: "عشره جنيه في اليوم، كنت شغال مع خالي في سقف المعلق وأنا في أولى إعدادي، وفضلت اشتغل معاه 8 سنين في الأجازة، أول يوم شغل نزلته كان في رمضان ورايحين الشغل بريس، وأنا راكب على التانك كان من أصعب الأيام في حياتي".
وشارك "عمر مصطفى" في تحدي أول مرتب، معلقا عبر حسابه على موقع التواصل الاجتماعي: "كان في 2015 كنت في تالتة كلية ونزلت شغل backend في شركة، وكنت بقبض 500 جنيه مكانوش بيكفوا المواصلات تقريبا، بس يكفي إني اتعرفت هناك على أعظم حد اشتغلت معاه و الأب الروحي ليا في الشغل واللي لحد دلوقتي بلجأله في أي حاجة".
بينما كتب حساب يحمل اسم "أحمد فخري" تفاصيل أول راتب له: "900 جنيه في 2010، وكنت بشتغل Electrical Design Engineer في مكتب استشاري، يعني شغلانة محترمة المفروض وكانت 6 أيام في الأسبوع.
تعليقات الفيسبوك