ضحايا التحرش الجنسي
بعد صدور قرار بضبط الطبيب النفسي المتهم بالتحرش بمريضاته بطنطا، احتفى العديد من الفتيات على موقع التواصل الاجتماعي "فيس بوك" بقرار الضبط، وعبرن عن سعادتهن بالاهتمام بالقضية وحق الضحايا، وسرعة فتح التحقيق فيها.
ندى طارق، الأخصائية النفسية المسئولة عن الضحايا، عبرت عن سعادتها بقرار الضبط، موجهة الشكر لكل الفتيات اللاتى نشرن شهاداتهن: "باشكر كل بنت شجاعة قررت تتكلم وتكمل للآخر وتروح النيابة وتبلغ، باشكر البنات الشجاعة اللي مش بتسكت على حقها".
وسط الاحتفاء، لم تنس "ندى" توجيه النصيحة للفتيات اللاتى تعرضن للتحرش من الطبيب النفسي، بسرعة نشر شهاداتهن والتواصل مع المحامين المختصين بالقضية: "لو إنتِ كمان اتعرضتِ لأي أذى من الدكتور ده، اطمني واتواصلي مع المحامين، وبياناتك هاتفضل في سرية تامة، كل الأطراف مقدرة الموقف وهاتساعدك، وكل بنت قالت شهاداتها ومافيش أذى".
فتاة أخرى، تدعى رانيا، احتفت بقرار الضبط على "فيس بوك"، معبرة عن فرحتها بالاهتمام الذي لقته شهادات الضحايا: "الحمدلله إن البلاغات بقت رسمية، وأتمنى إن البنات اللى خدت الخطوة دى أهاليهم يعرفوا إنهم بنات جدعة، وإن المحنة دى عرفتهم قد إيه هما أقوياء وأسوياء".
آلاء الدسوقي، إحدى الفتيات اللاتى احتفلن، قالت إن ما حدث شيء فارق ونقطة تحول في حوادث التحرش في مصر: "مبسوطة بقرار ضبط الطبيب، وباقول لكل البنات، مافيش حاجة اسمها علاج باللمس ولا طبطبة ولا أحضان ولا مسموح بتجاوز حدود العلاقة العلاجية لا منك و لا من المعالج، و لو ده حصل يبقى في حق و لازم تاخديه".
شاركت في الاحتفاء أيضاً، لبنى النجار، واعتبرت إن هذا اليوم هو يوم غير عادي بكل المقاييس، ضاربة المثل بشجاعة الضحايا: "لما مجموعة بنات يقفوا على رجليهم من الساعة 12 الضهر لحد نص الليل عشان يبلغوا عن تحرش واستغلال جنسي اتعرضوا له من طبيب نفسي، يبقى البنات دي ملهاش زي".
تعليقات الفيسبوك