"أحمد عمر" طالب التنمر
لتطييب خاطره وتقديم يد العون له، انهالت العديد من المساعدات على أحمد عمر، الذى تعرض للتنمر بسبب شفاهه أثناء اجتيازه اختبارات القدرات بكلية التربية الرياضية جامعة كفر الشيخ، منها أطباء قدموا المساعدة لعلاجه مجاناً، ومدرس لغة إنجليزية قدّم «كورس» مجانياً فى اللغة الإنجليزية له.
نانسى أحمد، طبيبة تجميل وجراحة الفم والأسنان، تكفلت بعمل الفحوصات الكاملة لحالة «أحمد» حتى إن وصل الأمر لعمل عملية جراحية له: «كلام أحمد أثر فيّا، كلمت حد من مشاهير الفيس بوك ينزل بوست عنه إنى متكفلة بكل حاجة تخصه، ولو محتاج عملية جراحية هعملها له على حسابى، المشكلة اللى عنده سهل حلها بعملية بسيطة وهحاول أعملها عشان أرجعه الكلية تانى».
وصفه لنفسه بالقبيح، جعل «نانسى» تشعر بالألم، موضحة أن الشاب جميل وليس به أى مشكلة، ومن حقه أن يلتحق بالكلية التى اختارها دون أن يتعرض للتنمر: «أنا وفريق العمل هنعمل له اللى نقدر عليه وهتبقى ضحكته جميلة وأحلى ضحكة».
على غرار «نانسى»، أعلن أيمن قطب، مدير سنتر لغة إنجليزية بكفر الشيخ، تقديم دورات فى اللغة الإنجليزية لـ«أحمد» مجاناً، كمحاولة منه لتطييب خاطره: «لو حد زعله فأنا بحاول أطبطب عليه وأصالحه وأقوله معلش يا أحمد، إذا كان حد زعلك، ففيه 100 واحد بيمد إيده ليك، وأقوله الإنجليزى على الله ثم عليّا، هاجيله البيت باللاب توب بتاعى وأديله الكورس».
نوعان من الكورسات سيُدَّرسها «أيمن» لـ«أحمد» بداية من ضبط النطق الصحيح باللغة الإنجليزية، إلى الإتقان الكامل للغة: «الأول هاديله كورس عام أظبط له الإنجليزى بتاعه والصوتيات والنطق، وأظبط له لسانه، إزاى يتكلم زى الأجانب، بالإضافة للجرامر والكلمات».
تعليقات الفيسبوك