صورة أرشيفية لملابس الوكالة
"رخيص بس شيك"، هاشتاج انتشر على موقع التواصل الاجتماعى "فيس بوك"، دونت من خلاله العديد من السيدات عن تجاربهن مع الشراء من سوق الوكالة التى تقع فى منطقة بولاق أبوالعلا بوسط البلد، حيث اشترين ملابس مستعملة من ماركات عالمية ومحلية، بأسعار رخيصة تبدأ من 5 جنيهات، هرباً من الارتفاع المستمر لأسعار الملابس بالمحلات.
أحمد رزق، صاحب محل ملابس بالوكالة، لاحظ مؤخراً تزايد الإقبال على الشراء، وارتفعت نسبته إلى 70%، بعد أشهر طويلة من الركود بسبب انتشار فيروس كورونا: "الحال كان واقف الفترة اللي فاتت وإحنا هنا في الوكالة بدأنا نرخص الأسعار ونهاودها شوية عشان ننشط البيع، وبالفعل المبيعات زادت فى الفترة الأخيرة.تتراوح الأسعار لدى "رزق" بين 5 و150 جنيهاً حسب نوع القطعة وجودتها: "ببيع كل الملابس والاكسسوارات الحريمي والطرح بـ5 جنيه، أما الملابس ففي قطع بـ20 وبـ30 جنيه لحد 150 جنيه، ودي أشيك وأغلى قطعة عندي".
يقوم بتنظيف الملابس جيداً قبل عرضها بالمحل، ليجذب الزبائن إلى بضاعته المستعملة: "إحنا مش محتاجين نسوق لنفسنا لأن كل اللي بيجي يشتري من الوكالة بيخرج مبسوط، الهدوم شيك ونضيفة ورخيصة محدش هيبقى عايز اكتر من كده، وعشان السبب ده المبيعات زادت خلال الكام يوم اللي فاتوا".
واعترفت البلوجر دينا فتحى، بأنها تتردد على الوكالة باستمرار لشراء ملابسها: "إحنا المصريين عندنا عقدة الخواجة وبنحب نتفشخر على بعض على الفاضي وأنا واحدة بتشتري من الوكالة ملابس ماركات وشكلها حلوة ومناسبة ليا وسعرها رخيص، وآخر حاجة اشتريتها جاكت صيفي بـ25 جنيه وعجب كل اللي شافوني".
وتؤكد "دينا" أنها تستعرض ملابس الوكالة على صفحتها على موقع التواصل الاجتماعي "فيس بوك"، بهدف نشر ثقافة شراء الملابس المستعملة طالما أنها جيدة ورخيصة: "ايه اللي يعيب الواحدة لما تشتري من الوكالة ما هي كل بفلوسنا".
تعليقات الفيسبوك