عادلي عبد اللطيف
لم يستسلم لحالة الفراغ والملل، حوَّل الهدوء فى حياته بعد خروجه على المعاش إلى صخب وشغف وحماس، ليحقق نجاحاً لم يحققه طوال حياته. بعد بلوغه سن التقاعد أنشأ عادلى عبداللطيف، 78 عاماً، قناة على موقع الفيديوهات العالمى «يوتيوب»، باسم «يوميات معاشات»، يقدم من خلالها فيديوهات عن كيفية تنظيف المطبخ والحمام وترتيب الغرف وإعداد أصناف طعام متنوعة، بهدف تجديد روتين يومه والشعور بأن حياته بعد المعاش لها قيمة.
أسس «عادلى» القناة منذ عام، ويقدم فيها عدة أنشطة منزلية مختلفة، منها ترتيب المنزل، استغلال المساحات الصغيرة، غسل المواعين، ترتيب المطبخ، وإعداد الطعام: «أول ما خرجت على المعاش حسيت أن حياتى وقفت وبقت مملة، وأنا قاعد مع ولادى وأحفادى قررنا أننا نعمل القناة ونقدم محتوى مختلف، وأنا اللى أقدمه عشان أقول إن شغل البيت مش قاصر على الست بس، والراجل لازم يشارك حتى لو هيخدم نفسه، بدل ما يبقى عايش مدفون بالحياة مستنى حد يخدمه».
أحفاد «عادلى» يساعدونه فى تصوير وإخراج هذه الفيديوهات، ونشرها على يوتيوب: «هما اللى بيقفوا يصورونى وبعدين يحطوها على الإنترنت لأنى ماليش فى السوشيال ميديا خالص، لكن بحاول أتعلمها وفى وقت قليل اتعرفت عشان الدور اللى بقدمه وبساعد زوجتى».
تعليقات الفيسبوك