فندق للأطفال
تواجه سيدات كثيرات، خاصة العاملات، أزمة حقيقية، بسبب خوفهن الشديد على أطفالهن، بتركهم وحدهم بالمنزل، أثناء ساعات عملهن، ويخشين أيضًا الاطمئنان عليهم داخل حضانات غير مؤهلة أو معقمة جيدًا، ولا تلتزم بالتباعد الاجتماعي إلى حد كبير، لذا حرصت نادية عمار، مسئول أول فندق مخصّص للأطفال، في التجمّع الخامس بالقاهرة، على استقبالهم داخل غرف منفردة ومعقّمة.
يعمل الفندق لأكثر من 20 ساعة يوميًا، ويستقبل الأطفال من حديثي الولادة حتى 11 عامًا، ويوفر لهم الحماية والأمان، وذلك من خلال توفير غرفة لكل طفل، وتكون معقّمة، ويجري تطهيرها باستمرار: «كل أم دلوقتي خايفة على أولادها، ومش بتآمن عليهم في أي حضانة في الظروف اللي إحنا فيها دي، والهوستيل عندنا هنا بيوفر لكل طفل غرفة بيتعلم فيها وبينام فيها وبيكون لوحده بشكل منفصل»، بحسب «نادية»، وتوفر أيضًا الحضانة، خدمة المبيت: «ودي مش متوافرة بشكل كبير، لأن مش كل الأهالي بتسيب أولادها، لكن ممكن يسيبوهم لوقت متأخر من الليل، لكن مش دايمًا بيكون فيه بيات».
تعليم الموسيقى، والرسم، ومسرح العرائس، ولعب الألوان، حمام السباحة، ومشاهدة أفلام الكارتون، وأنشطة الحساب، بعض الأنشطة التي توفرها الهوستيل للأطفال: «أنشطة الأطفال بتجمع فيها زي مسرح العرائس وحمام السباحة، لكن بنحرص أننا نفصل، بحيث يكون عدد الأطفال قليل قوي في الأنشطة اللي زي دي»، كما أنها توفر تمارين رياضية لهم، بحيث تساعدهم على تنشيط وتحسين قوتهم البدنية.
«نادية» تحرص على تقديم خصومات تصل إلى 50%، على الاشتراك بالفندق، وذلك لاستقطاب الأطفال: «عندنا كمان كاميرات مراقبة أون لاين 24 ساعة، بنشوف تعامل المشرفين والمدرسين وكمان حفاظًا على الأطفال، ونقدر ناخد بالنا منهم كلهم في وقت واحد».
تعليقات الفيسبوك