«محمد» يواصل ممارسة الرياضة فى منزله
رغم أن محبى الرياضة كانوا ينتظرون عودة افتتاح الصالات الرياضية بفارغ الصبر، إلا أن بعضهم قرر عدم الذهاب فى الفترة الأولى من الافتتاح، مع الاستمرار فى ممارسة الرياضة بالمنزل، حرصاً منهم على عدم الوجود فى الأماكن المزدحمة.
قرر محمد عبدالله، مدرب رياضى، الاستمرار بممارسة الرياضة فى المنزل، رغم سعادته البالغة لعودة فتح الصالات الرياضية مرة أخرى: «هكمل تدريبى فى البيت لحد 15 يوليو الميعاد اللى كان حدده وزير الرياضة فى الأول، لحد ما اطمن إن كل حاجة بقت أفضل من الأول، وبعدين هرجع أنزل تانى بس وأنا واخد إجراءاتى الوقائية والاحتياطات».
اعتاد «محمد» على الرياضة المنزلية بالتزامن مع انتشار الفيروس: «كنت الأول متضايق ومش واخد على التدريب فى البيت ومكنتش ببقى فى حالة مزاجية كويسة لحد ما اتعودت، وبالنسبة لى التمرين فى البيت دلوقتى أفضل وأحسن وأنا لوحدى وفى أمان كبير»، وخلال استمراره فى ممارسة الرياضة بالمنزل، سيقوم بالتجهيز للعودة إلى الجيم فى الوقت المناسب: «الجيم بتاعى هيكون بنظام الحجز ومش كل الناس هتكون موجودة فى وقت واحد وهنكون متقسمين طبعاً وهيبقى معايا الكمامة طول الوقت».
المبدأ نفسه اتبعته سمر توفيق، حيث قررت عدم العودة إلى الصالة الرياضية مرة أخرى والاستمرار فى ممارسة الرياضة اليومية بالمنزل: «خلال فترة الحظر اتعودت على الرياضة فى البيت ومستحيل أنزل دلوقتى، خايفة على نفسى وعيلتى، العمر مش بعزقة، ومش ناوية أرجع دلوقتى خالص غير لما أزمة كورونا تنتهى من مصر تماماً.
تعليقات الفيسبوك