بلال حسن صاحب فكرة وضع مشمع بالتاكسي
حيلة وقائية وذكية، لجأ لها عبدالحميد حسن، سائق تاكسي، بعد انتشار فيروس كورونا المستجد، حيث قام بفصل الكرسي الأمامي عن الكنبة الخلفية المخصصة للركاب، بوضع مشمع شفاف اللون، وكذلك فصل بين مقعده ومقعد الراكب الذي بجوار السائق، ووضع "بخاخ كحول" ومناديل معقمة أمام كل كرسي، حتى يضمن سلامته وعدم إصابة الركاب بأي عدوى فيروسية.
"أخويا بلال اللي نصحني اعمل كده في التاكسي عشان أحافظ على سلامة الركاب اللي معايا، ونزل اشترى المشمع وعمله في التاكسي".. حسب "عبدالحميد"، الذي استخدام مشمعا شفافا حتى يستطيع رؤية الركاب وسماعهم بوضوح: "بدل ما أقعد في بيتنا نزلت اشتغل بدل ما أضر نفسي أو أضر حد من الركاب"، لافتا إلى أنه يحرص على تعقيم التاكسي كل ساعة خلال عمله بالشارع، كما أنه يستخدم معقم اليدين، ويرش على العملات الورقية والنقدية قبل تبادلها مع الركاب: "رغم أن الفكرة مرهقة ومحتاجة تركيز طول الوقت خصوصاً أننا شعب بطبعه عشوائي وسايبها على الله بس بحاول اركز جداً".
يغير "عبدالحميد" المشمع باستمرار: "جبت زجاجات كحول وكل يوم بحط واحدة في التاكسي من ساعة ما فيروس كورونا انتشر كده عشان الناس تتنبه وترش على نفسها قبل ما تدخل التاكسي وعلى مقبض الباب قبل ما تفتح، ولما بينزلوا بنزل ارش على المقابض وفي التاكسي من جوه وربنا يعديها على خير".
تعليقات الفيسبوك