عروض "بانتومايم" للأطفال الأيتام
«بدأنا أجازة نصف السنة، كلنا بنفكر إزاى هنفسّح ولادنا ونخليهم مبسوطين، علشان يرجعوا التيرم الثانى، ويقدروا يكملوا مذاكرة.. إيه رأيكم لو كل واحد فينا وهو بيفسّح ولاده ياخد طفل يتيم أو من الأسر الفقيرة اللى مش بتقدر تفسّح ولادها.. فرح ولد محتاج يفرح هتلاقى الدنيا كلها فرحانة من حواليك»، دعوة أطلقها فريق Smile Makers Team مع بدء الإجازة.
السبت الماضى، قام الفريق بتنظيم احتفالية للأطفال الأيتام فى أحد المطاعم الشهيرة بمنطقة السادس من أكتوبر، شملت الاحتفالية العديد من الفقرات المبهجة للأطفال، بحسب فوزى نصيف، منسق الفريق: «الأطفال أكلوا ولعبوا ورقصوا واستمتعوا بالآيس كريم، وقضوا يوماً مختلفاً».
ويشمل برنامج الفريق اصطحاب 25 طفلاً السبت المقبل، من مدرسة حكومية، بعضهم أيتام وآخرون من أسر فقيرة، لحضور عرض «بانتومايم» فى مركز طلعت حرب الثقافى، كثانى نشاط للفريق خلال إجازة منتصف العام الدراسى، وفقاً لـ«فوزى»: «عملنا برنامج مميز لإسعاد الأطفال، وندعو كل أسرة بالمثل عشان تفرّح طفل أو أسرة فقيرة، وتكون أجازة سعيدة على الجميع».
تعليقات الفيسبوك