تدافع الطلاب من أجل الحصول على النتيجة
حالة من الغضب والاستياء انتابت أولياء أمور طلاب فى مدرسة عبدالحى خليل، بمدينة المحلة الكبرى، مع إعلان نتيجة امتحانات الفصل الدراسى الأول للمرحلة الإعدادية، أمس، بسبب قيام عمال المدرسة باستغلال التزاحم وتدافع الطلاب لمعرفة النتيجة وبيعها مقابل 5 جنيهات وحجبها عن الطلاب الذين يمتنعون عن الدفع.
مشاجرات عديدة حدثت بين الطلاب، وكذلك أولياء الأمور عند سلم المدرسة، بسبب حالة التوتر والقلق التى تسبب فيها العمال، بعد تصدرهم للمشهد وحجب النتائج بشكل كامل، وفقاً لمحمد أحمد، ولىّ أمر: «العيال بقيت بتدوس على بعض عشان تطلع على السور تجيب النتيجة، ومفيش حد من الأمن أو إدارة المدرسة كان موجود يمنع المهزلة دى». ليست الواقعة الأولى للمدرسة، بحسب ولىّ الأمر: «كل سنة على نفس الحال، وللأسف العمال لا يجيدون القراءة والكتابة، وبيتصرفوا معانا بشكل سيئ»، مشيراً إلى أن بعض النتائج وُجدت ممزقة بفناء المدرسة.
نادية الشناوى، مديرة المدرسة، حاولت تهدئة الوضع وفرض النظام داخل المدرسة، بتعليق نتائج الطلاب فى مكان واضح بالمدرسة وتأمينها من قبَل المدرسين لعدم المساس بها: «اتنين من المدرسين قعدوا فى المدرسة لحد الساعة 10 بالليل عشان محدش من العمال يتصرف فى النتيجة والطلبة تقدر تعرف النتيجة بوضوح».
ووفقاً لرواية مديرة المدرسة فقد قامت بتعليق النتيجة للمرة الثانية بسبب قيام الطلاب بتمزيقها أول مرة: «عملنا شغلنا مظبوط وعلقناها، وللأسف بعض الطلبة قطعوها وعلقناها تانى».
تعليقات الفيسبوك