مشاعر ممزوجة بالفرحة والاشتياق تملكت البائعين منذ صدور قرار بعودة 40 مكتبة من سور الأزبكية وسور السيدة زينب للمشاركة فى معرض القاهرة الدولى للكتاب من جديد، بعدما امتنع كثير منهم عن المشاركة فى الفعاليات الخاصة بالمعرض خلال العام الماضى.
محمد ناجح، بائع كتب فى سور السيدة زينب للكتب، يستعد هذا العام للمشاركة فى الفعاليات الخاصة بالمعرض: «بقالى 23 سنة باشارك فى المعرض واتحرمت السنة اللى فاتت منه، الواحد كان مضايق جداً، ورغم المساحة الصغيرة عن الوضع فى أرض المعارض، هننتقى الكتب اللى هتشارك وهتكون أغلى شوية، عشان تغطى تكلفة الإيجار».
وبحسب «ناجح»، فإن أسعار الكتب تتراوح بين 5 و50 جنيهاً: «هشارك بمجموعة من الكتب المترجمة الخاصة بالأطفال والدينية واللغات، لأنها مطلوبة جداً من زوار المعرض كل عام».
نفس حالة البهجة والفرحة يشعر بها على العسلى، بائع كتب فى سور الأزبكية، الذى يروى أنه يحرص على عرض كتب أسعارها مخفضة فى متناول المواطن البسيط، على الرغم من ارتفاع سعر إيجار المشاركة فى المعرض، الذى يصل إلى 1200 جنيه للمتر: «إحنا هنلتزم بالقواعد، الكتب اللى هتكون معانا مش منسوخة، هى كتب قديمة لأن المخالف طبعاً هيدفع غرامة، كان نفسنا إننا نعرض كتب أكتر، لكن هنحاول ننتقى منها الأفضل».
ويستعد «العسلى» للمعرض بمجموعة من الكتب القديمة فى علم النفس والتاريخ والهندسة والفلسفة وروايات لنجيب محفوظ ويوسف السباعى وعباس محمود العقاد: «الكتب أسعارها هتبدأ من 10 لحد 40 جنيه، طبعاً مش هنعرض الكتب اللى بـ3 و5 جنيه، زى المعارض السابقة، وهيحل محلها الأعلى سعراً، لتحقيق هامش من المكسب يغطى النفقات».
تعليقات الفيسبوك