«بابا نويل، أراجوز، بلياتشو، نط الحبل، فقرة السيرك، مسابقة غنائية، رقص شرقى».. أنشطة ترفيهية ينظمها محمد هدهود، المسئول عن جمعية «حسن الخاتمة» الخيرية، الذى نظم حفلاً للأطفال الأيتام فى مدينة منوف بمحافظة المنوفية، بمناسبة رأس السنة الميلادية، بهدف إسعادهم وتقديم هدايا بسيطة لهم.
نظم «هدهود» الحفل بنادى منوف الرياضى، حيث تبرعت إدارة النادى بتأجير المركز مجاناً للأطفال: «اهتمامى بيكون للأطفال اللى آباؤهم متوفين ولكن عايشين مع أمهاتهم والجمعية بترعاهم وأنا المسئول عن خروجاتهم الترفيهية ما بين فترة والتانية، وباعمل لهم حفلات فى أى عيد أو موسم»، ينظم حفلة كل يوم جمعة، لكن هذه المرة جمع كل أيتام المدينة، وقدم لهم وجبات مشوية، وفقرات من الرقص والغناء قدمها الأطفال الذين يتمتعون بمواهب: «فى آخر الحفلة وزع بابا نويل هدايا على كل الأطفال عشان يبدأوا السنة الجديدة وهما مبسوطين».
رغم اهتمامه بأيتام المدينة وإقامة حفلات لهم باستمرار، لكن هذه الحفلة هى الأولى التى ينظمها احتفالاً برأس السنة: «عملنا حفلات كتير وكمان فى الصيف بنروح السيرك القومى وبنطلع مصايف، بس دى أول مرة يكون فيها بابا نويل اللى كانوا بيشوفوه على الحقيقة بيكون وسطهم»، هذه الفقرات والأنشطة التى يقدمها تسهم فى إسعاد الأطفال كثيراً وتحسين حالتهم النفسية: «فيه من الأطفال دى اللى كان متعود أنه يحتفل بأى مناسبة بس بعد وفاة آبائهم مابقاش ده يحصل وممكن يؤثر فى نفسيتهم جداً فبنخلى أمهاتهم تكون موجودة فى الحفلات دى عشان يفرحوا وسط عيالهم ويتبسطوا».
تعليقات الفيسبوك