«شعبان» داخل ورشته
«الأحذية القديمة هترجع جديدة زى الأول»، لافتة وضعها أحمد شعبان، صاحب محل لتصليح الأحذية، جذبت إليه الزبائن من كل الطبقات، والذين يعانون من الارتفاع الجنونى لأسعار الأحذية الشتوية «البوت»، وهو ما لمسه «شعبان» وعبر عنه بقوله: «الإقبال كبير الشتا ده على تصليح الأحذية، لأن الأسعار غالية وأنا بصلح بطريقة سحرية، الحذاء القديم بيرجع زى الجديد».
يعمل «شعبان» فى هذه المهنة منذ 18 عاماً، تعلمها على أيدى الإيطاليين: «الناس زمان كانت بتخاف تودى الأحذية الغالية للجزمجى، خاصة الجلد الطبيعى، كان عندهم اعتقاد إنه هيبوظ لهم الأحذية مش هيصلحها»، اللزق والكبس بالبخار إضافة إلى تغيير الجلود خطوات مختلفة يقوم بها «شعبان» حتى يعيد الحذاء جديداً، وتتراوح أسعار ترميم الأحذية لتكون جديدة بين 80 و250 جنيهاً: «دى أسعار تعتبر زهيدة لو حد عنده حذاء جلد طبيعى وباظ وعاوز يستفيد منه تانى، الأسعار رخيصة مقارنة بأسعار الأحذية الجديدة فى المحلات»، أما التصليح العادى فيكلف من 5 إلى 10 جنيهات.
زبائن «شعبان» ينتمون إلى طبقات اجتماعية مختلفة: «دلوقتى بقى أكثر المترددين من الطبقات العليا والمتوسطة، فيه ناس بتكون شارية أحذية من بره مصر، وفيه ناس بتبعت أحذيتها كل فترة يتعمل ليها صيانة عشان تحافظ عليها أطول فترة ممكنة».
تعليقات الفيسبوك