مقابر أشبه بـ«الكومباوند»، عبارة عن مجموعة من الأحواش المزينة بالنقوش الإسلامية، ومحاطة بأسوار عالية وبوابات يجلس أمامها أفراد أمن وطقم حراسة، شكل جديد للمقابر وفرته بعض الشركات العقارية، لتحقيق المزيد من الأمن لمنطقة المقابر.
"إسماعيل": نقدم خدمة متميزة لتنعم منطقة المدافن بالأمن
أحمد إسماعيل، مسئول مبيعات بإحدى الشركات بطريق بلبيس، يؤكد أن هذه المميزات تمنح أهل المتوفى قدراً من الطمأنينة على موتاهم، وراحة لهم أثناء الزيارة: «زى ما فيه كومباوند سكنى، فيه كمان كومباوند للمقابر، والدخول بيكون بـID للتحقق من الهوية، ممنوع أى حد غريب يدخل بالليل، وده بيمنع حوادث كتيرة موجودة فى المقابر، زى انتشار المخدرات والدعارة».
وحسب «إسماعيل» يوجد جهاز إدارى داخل الكومباوند مسئول عن عملية الصيانة الدورية للمقابر: «بنزرع صبّار وبنقوم بأعمال للتظيف أمام المقابر».
وتتراوح أسعار المقابر بين 80 و250 ألف جنيه، تختلف باختلاف المساحة: «فيه مساحات متنوعة تتراوح بين 28 متر و32 متر بيكونوا عينين اتنين فقط، وفيه 60 متر بتكون 4 عيون، مجرد ما أهل المتوفى بيطلّعوا الكارنية اللى فيه اسمه بيتم فتح البوابات لعمل تجهيزات الدفن».
ويتوافر بالكومباوند مظلات شمسية وكراسى ليجلس عليها أهالى المتوفى أثناء الزيارة: «فيه ناس كبيرة فى السن وبتكون محتاجة إنها ترتاح».
تعليقات الفيسبوك