«ترابيزة الخير.. فيد واستفيد»، فكرة نفَّذها عدد من شباب منطقة العمرانية بحى الهرم، بهدف خدمة ومساعدة جيرانهم ونشر الخير وروح التكافل بين الجيران، حيث قام صاحب أحد محال الهواتف المحمولة بالمنطقة، بتخصيص منضدة أمام واجهة المحل الخاص به، يضع عليها المارة الكتب الخارجية ليأخذها المحتاجون مجاناً دون أى مقابل.
أحمد عادل، صاحب الفكرة، نجح فى تنفيذها خلال الـ3 سنوات الماضية: «بنحاول نساعد الطلاب على قد ما نقدر، ونوفر على الأهالى ثمن الكتب الخارجية الغالية»، وتشمل الفكرة عرض الكتب للمراحل التعليمية المختلفة «حضانة وابتدائى وإعدادى وثانوى»: «بنوفر أى كتاب خارجى سواء لمدرسة حكومية أو لغات فى كل المواد، زمان كان الجيران بيبدلوا الكتب مع بعض، حاولنا نطوَّر الفكرة ونقدمها بالشكل ده عشان الناس اللى بتتحرج من بعضها».
"عادل": الفكرة تخدم أهالى العمرانية ونقدمها مرتين فى العام
وحسب «عادل»، فإن الفكرة تطوَّرت من اقتصار العرض على الكتب، إلى عرض الملابس القديمة المستعملة وبعض الأدوية والكراسى المتحركة والمشايات الخاصة بكبار السن: «عمل الخير دائماً بيجيب خير، إحنا بنحط أسعار رمزية 5 و10 جنيهات ع البضاعة عشان نخلِّى الناس تقف وهى مش محرجة، لافتات وهمية، لكن فى الآخر مش بناخد منهم أى مقابل، كله مجانى ولوجه الله، إحنا بنعمل بوصية النبى على سابع جار».
تعليقات الفيسبوك