بالتزامن مع بداية فصل الشتاء، جدّد عدد من محبى الحيوانات والحقوقيين العاملين فى مجال الرفق بها، دعوتهم إلى مقاطعة الشركات الصينية التى تستخدم «فرو» وجلوداً طبيعية فى الملابس والحقائب والأحذية، اعتراضاً على ما وصفوه بالطريقة الوحشية، التى يتم استخراج «الفرو» بها، للحفاظ عليه من التلف.
مناصرة حقوق الحيوانات التى يتم نزع فرائها وجلودها وهى حية، مما يعرّضها لتعذيب شديد، هو الهدف من الحملة، وحسب مى حمادة، رئيس فريق الإسكندرية لإنقاذ السلاحف والحياة البرية، فهى منذ سنوات طويلة تمتنع عن ارتداء أى قطعة ملابس مصنّعة من الفراء أو الجلود الطبيعية: «بيتعاملوا مع الحيوانات بوحشية، بياخدوا الفرو من الحيوانات عن طريق المصائد المفتوحة أو المزارع بطريقة قاسية، بيسلخوا جلد الحيوان وهو صاحى علشان الفرو مايتوسخش».
"منى": "علشان تلبس طبيعى فيه حيوان جلده بيتسلخ"
ولمناهضة أى انتهاك ضد الحيوان، تُبدى منى خليل، ناشطة فى مجال حقوق الحيوان، اعتراضها على استخدام هذه الخامات الطبيعية فى التدفئة: «أى محب للحيوان هيعترض على إنه يرتدى ملابس مصنّعة من الفراء الطبيعى، إحنا مش بنتكلم عن الحيوانات المحلل أكلها وذبحها بطرق شرعية، فيه حيوانات أخرى مش بيتم ذبحها، ومش بناكلها زى التمساح، ومع ذلك بيمارس ضده تعذيب علشان ياخد جلده، إحنا بنرفض ده وبنقاطعه بشكل واضح، وفيه فيديوهات بتوضّح مدى القسوة فى التعامل مع الحيوانات بره مصر، للأسف بيسلخوها حية علشان يستخدموا الفرو بتاعها».
تعليقات الفيسبوك