سيدة تشترى حلاوة المولد
«كُل حلاوة مولد النبى وقسّط تمنها على 6 شهور»، شعار رفعه مصطفى عبدالراضى، بائع حلوى فى مدينة أسوان، فمع ارتفاع أسعار الحلوى فى بعض المحال وعدم إقبال المواطنين عليها، قرر أن يتبع نظام البيع بالتقسيط: «قبل الموسم بحوالى 15 يوم بدأنا نستقبل حجز الكميات المطلوبة».
37 جنيهاًً هو سعر الكيلو من الحلوى، كما حدده «عبدالراضى»: «بجمع كل الطلبات وبوصّلها للناس، ببيع العلب بالكيلو، وعبارة عن حلوى مشكّلة بين السودانى والحمص والسمسمية والملبن وجوز الهند، وفيه ناس بتطلب مشبك فى المولد، بجيبه من دمياط وسعر الكيلو بيبدأ من 32 جنيه».
مع نظام البيع بالتقسيط، لاحظ «عبدالراضى» إقبالاً كبيراً من جانب الزبائن: «بطبق فكرة القسط مع كل الزبائن مش شرط مع المعارف بس، أهل المدينة عندنا طيبين وعندهم أمانة وكرم، مش هدى لناس وناس لأ». صناعة وبيع الحلوى ليست عمله الأساسى، فهو يعمل موظفاً فى «البوسطة»، وبجانب ذلك افتتح محلاً للحلوى ليعينه على المعيشة: «حاجة بتساعد فى مصاريف البيت»، موضحاً أنه يقدم خدمة توصيل الحلوى للعميل: «الفترة دى بجمع كل الأوردرات المطلوبة منى، وبعرف عدد الأشخاص اللى هقسط لهم، وبوصل العلب لمكان العميل، كل اللى يهمنى راحة الزبائن». وتتراوح أسعار الحلوى فى محل «عبدالراضى» بين 37 و200 جنيه للعلبة الواحدة، يختلف السعر باختلاف الحجم والكمية.
تعليقات الفيسبوك