اللص التائب
للحظات تقمص الحاج محمد راشد اللص التائب، دور اللص مرة أخرى، وتذكر مغامراته التي اقتنص خلالها ملايين الجنيهات وسلّمها لوزارة الداخلية، بعدما عاش بين الناس باعتباره رجل أعمال وهو في الحقيقة "هجام شقق".
راشد عاد لدقائق في دور "الحرامي" خلال لقائه ببرنامج "تفاصيل" عبر فضائية "المحور"، لتقديم بعض النصائح للمواطنين من أجل عدم تعرض شققهم للسرقة.
اللص التائب قدم 8 نصائح للمواطنين لتفادي السرقة نستعرضها كما يلي:
1. اشتري باب حديد لشقتك: "الحرامي لما بيشوف البابا الحديد مش بيكسره وبيزهق منه وبيكره صاحب الشقة، والباب الحديد أحسن من 10 حراس وبيعمل صوت ومبيتكسرش".
2. اختار نوع كالون قوي للباب: "هات كالون 6 تكات محترم".
3. السرقات بتكتر في المواسم والأعياد والإجازات: "الموسم بتاع الحرامية في الأعياد وشم النسيم".
4. في حالة خروجك اترك الراديو أو التلفزيون يعمل: "في الأعياد وشم النسيم متطلعش ولو هتطلع سيب الراديو أو التلفزيون مفتوح عشان يبان إن فيه صوت جوا".
5. لا تضع جنزيرا على الباب أو قفل عند سفرك: "لما بتحط جنزير وقفل بتعرف الحرامي إن مفيش حد جوة ولما بيشوف قفل أو جنزير بيفرح".
6. احذر من جرائم السرقة على الطريق: "لو انت راكب عربية متسيبش أي ازاز مفتوح لأن فيه واحد بيكلمك وواحد بيسرقك الناحية التانية".
7. كن حذرًا عند تعرضك لتصادم خشية السرقة: "لو فيه حاجة خبطت عربيتك اقفل عربيتك وامسك المفتاح وانزل".
8. احذر من السرقة في الأعياد: "في العيد بالذات الحرامية ممكن يسرقوا العفش، سيب الراديو أو التلفزيون وسيب اللمبة منورة وبلاش تحط قفل وجنزير".
8. احرص على إغلاق الشبابيك والمنافذ الموجودة في الشقة: "اقفل المنافذ والشباك اللي في المنور".
تعليقات الفيسبوك