«وجبات صحية لمرضى السكر والضغط»، فكرة يقدمها مطعم فى منطقة 6 أكتوبر بالجيزة، ليعينوا المرضى على الاهتمام بصحتهم، بوجبات صحية خالية من الدهون الزائدة، خالد سعيد، مؤسس الفكرة، افتتح المطعم بالتعاون مع 3 من أصدقائه من بينهم طبيب تغذية: «إحنا بنحب ممارسة الرياضة وعندنا هوس بالجيم والنظام الغذائى الصحى، ودائماً لاقيين إن الناس اللى بتعمل دايت أو مرضى السكر والضغط مش بيلاقوا مطعم بيقدم لهم الوجبات اللى بيحبوها بطعم حلو وفى نفس الوقت صحية، وده اللى دفعنا لتنفيذ فكرة المطعم».
"خالد": نقدم ما يقارب 30 وجبة صحية يومياً.. ويتم طهوها على البخار
تكوين وجبات غذائية متكاملة هدف يقوم المطعم بتوفيره للزبائن: «بنقدم وجبات صحية، كان فى فترة بنتعامل فيها مع مستشفى الجابرى وبنقدم لهم ما يقارب من 30 وجبة صحية بشكل يومى، وده كان أكبر دليل أن وجباتنا صحية وبتخلى العميل يثق فينا».
ويعتمد الفريق فى تسوية الوجبات على البخار والجريل للشواء: «مفيش أى زيت أو سمنة أو دهون وده بيضمن إن الأكل يكون خالى من الكوليسترول، عندنا كل حاجة المريض بيكون نفسه يأكلها ومش عارف عشان يلتزم بنظامه الغذائى بس بطريقة صحية، بنقدم فاهيتا مثلاً زى المطاعم العادية لكن بطريقة صحية وكمان عندنا بطاطس مخصصة لمرضى السكر، وعندنا فراخ إيطالية بنحاول نعتمد على المشروم فى وجباتنا».
ويقدم «خالد» نظام باقات شهرية للمرضى ومحبى اتباع نظام غذائى صحى: «بنعمل باقات شهرية وأسبوعية فطار وغداء وعشاء بيوصل فريش للعميل، تصل سعر الباقة الأسبوعية إلى 450 جنيهاً».
تعليقات الفيسبوك