"أطعمة ماتحطهاش في الثلاجة"
دائمًا ما تحفظ مختلف الأطعمة في الثلاجات حتى لا تتلف، لكن هناك بعض الأكلات والخضروات التي تتعرض للتلف حال حفظها في "المبردات".
وعدد الدكتور أحمد أبو النصر أخصائي النباتات الطبية، لـ"الوطن"، نوعية هذه الأطعمة التي يجب تجنب حفظها في "الثلاجة"، وهي كالتالي:
1- البطاطس
وضع البطاطس في الثلاجة يجعل طعمها سكريا.. "لو قليتها هيبقى طعمها مسكر وأي حد هيدوقها هينفر منها".
2- حلاوة سبريد
وضع الحلاوة سبريد في الثلاجة يجعلها جامدة "ناشفة".. "هتبقى زي الجاتوه الرخيص".
3- الثوم
يؤدي حفظ الثوم في الثلاجة إلى تعفنه.. "عمرك شفت بتاع خضار شايل توم في التلاجة، بتلاقيه معلقه في السقف علشان يتهوى جنب المروحة".
4- البن
وضع البن في الثلاجة يضيع مذاقه.. "هتغليه بعد كده هيكون كأنك بتشرب نشارة خشب".
5- البصل
قال أخصائي النباتات الطبية إن البصل لو وضع في الثلاجة سيتعفن.
6- العسل
يصبح العسل إذا وضع في الثلاجة كالماء بالسكر.. "لو حطيته بالتلاجة هيرمل".
7- الريحان
وضع الريحان في الثلاجة يجعل لونه "أسود".
8- الأفوكادو
الناس تأكلها "مستوية" لكن عندما توضع في الثلاجة "هتبقى زي الحجر".
9- زيت الزيتون
وضع زيت الزيتون في الثلاجة يجعله مليئا بالشوائب.. "شكله كمان هيبقى وحش وهيتقل ويملا ميه".
10- أي فاكهة ببذر "الخوخ التمر الزيتون المشمش البرقوق":
وضع هذه الفواكه يجعلها"ناشفة" "هتلاقي نفسك بتاكل حاجة ملهاش طعم".
11- الكاتشب
سيتغير طعمه لو وضع في الثلاجة.. "لو حطيته بالتلاجة هيبقى كأنك بتحط جلي ع البطاطس".
12- الشوكولاتة
عند وضع الشوكولاتة في الثلاجة ستتملئ بالحبوب.. "لو حطيتها سكرها هيرمل وهتملى حبوب".
13- الطماطم
الطماطم عند وضعها في الثلاجة طعمها سيتغير.. "لا هيبقى ليها طعم ولا ريحة".
14- علب التونة
نصح أبو النصر بوضع علب التونة خارج الثلاجة.
15- المستردة
عند وضع المستردة داخل الثلاجة سيصبح طعمها أشبه بالفلفل الأخضر الرومي.
16- الجبنة الرومي والبسطرمة
وضع الرومي أو البسطرمة داخل الثلاجة يجعلها تصبح "ناشفة".
17- الخيار
لو وضع الخيار في الثلاجة سيتحول طعمه.. "هتلاقي نفسك بتاكل قتة".
18- التوابل
نصح أستاذ النباتات، بعدم وضع التوابل داخل الثلاجة قائلا: "الناس بتشتري التوابل علشان طعمها وريحتها في التلاجة هتيجي تستخدمها هتتحول لنشارة خشب بلا طعم ولا ريحة".
وأكد أخصائي النباتات الطبية بعدم وضع كثير من الأشياء في الثلاجة "مش كل اللي في إيدك يدخل التلاجة اعمل حسابك إن التلاجة بتضيع مذاق وطعم وريحة الأكل"، لافتا إلى أن حفظ الأطعمة في الثلاجة، هو السبب في انتشار مقولة بعض الأشخاص "أن الطعام لم يعد له طعم مثل أيام زمان".
تعليقات الفيسبوك