«ميادة» صاحبة فكرة التطعيم المجانى للكلاب
نظراً لخطورة داء الكلب، المعروف باسم «السعار»، قررت طبيبة بيطرية فى مدينة نصر استغلال اليوم العالمى لـ«داء الكلب»، الذى يوافق 28 سبتمبر من كل عام، فى تقديم تطعيم مجانى ضد المرض، للتوعية به ولجعل مدينة نصر خالية من المرض.
تقدم ميادة ثروت التطعيمات مجاناً للكلاب الضالة فى الشارع لحماية المارة من أذاها: «أى حد هيجيبلى كلب خلال فترة الاحتفال باليوم العالمى لداء الكلب، هطعّمه مجاناً، وهقدم له باسبور هدية لإثبات إن الكلب صحياً سليم».
خطورة مرض السعار دفعت «ميادة» إلى تلك المبادرة: «السعار بتكون له أعراض معينة، فى البداية بيكون الكلب هادى جداً، قاعد لوحده، مش بياكل ولا يشرب، وبعد كده بيبدأ يعض نفسه ويعض صاحبه، بقه مش بيتقفل، لدرجة إنه بيكون مش قادر يبلع أى حاجة، وبتيجى له بعض التشنجات، هنا الشخص لازم ياخد الكلب لعيادة بيطرية لاتخاذ اللازم».
مصر، حسب «ميادة»، تعد من الدول المستوطنة للمرض: «المفروض الكلب يبدأ ياخد التطعيم من سن 6 شهور أو سنة، وفيه تطعيمات بدأت دلوقتى تتاخد فى سن مبكرة بداية من 3 شهور»، وتنصح بسرعة التعامل فى حالة إصابة الكلب بالسعار: «لازم الشخص يغسل مكان العضة بالميّه والصابون ويتوجه لأى مستشفى حكومى».
تعليقات الفيسبوك