ملابس بأسعار مخفضة لتلاميذ المدارس
شعوره بمعاناة أولياء الأمور، والأعباء المادية المرتبطة ببدء موسم الدراسة، دفع إسلام العدوى، صاحب مصنع ملابس جاهزة، فى منطقة منشية السد العالى، التابعة لحى السلام، إلى التضامن مع أولياء الأمور، من خلال بيع الزى المدرسى، بالسعر الذى يبيعه للتجار، والذى يتراوح بين 50 و100 جنيه، رافعاً شعار «البيع بسعر المصنع».
يقدم «إسلام» القطعة الواحدة من الزى المدرسى بـ50 جنيهاً، والطقم كاملاً «تيشيرت وبنطلون» بـ100 جنيه، ويقوم بالبيع داخل المصنع، أو من خلال منفذ خاص به، بسعر أقل من أسعار المحال الشهيرة، وهو ما يعرّضه أحياناً لخسارة: «عمرى ما بصيت أنا كسبت إيه فى موسم المدارس، علشان عارف الضغوط المادية اللى الناس بتعانى منها، أنا واحد منهم، وحاسس بهم، والمقابل اللى باستناه دعوة أو كلمة حلوة، تشجعنى علشان أقدم خصومات وعروض أكتر».
وحسب «إسلام»، فإنه رغم انخفاض أسعاره مقارنة بالسوق، فإنه يقدم منتجات عالية الجودة والدقة: «القماش درجة أولى والتفصيل ممتاز، علشان محدش يفكر إنى بابيع بسعر قليل على حساب الجودة، ولو المنتج وحش الزبون مش هييجى لى تانى مهما كان السعر قليل».
تعليقات الفيسبوك