لانش بوكس دليفرى.. مشروع "سناء" لتلاميذ المدارس
"وجبة مدرسية دليفرى"، فكرة سناء محمد، موجه أول تربية رياضية، لمساعدة الكثير من أولياء الأمور بمحافظة الإسماعيلية بالتزامن مع بداية العام الدراسى الجديد، استغلت موهبتها فى طهى المخبوزات لفتح مشروع يعينها على العيش وتساعد من خلاله أولياء الأمور فى إعداد وجبات صحية ومفيدة لأبنائهم: «فيه كثير من أولياء الأمور بيشتغلوا، وأطفال مامتهم متوفية، والدهم مش بيقدر إنه يعمل ليهم الاكل، بحاول أساعدهم، وأوفر لهم خدمة سريعة».
أصناف متنوعة من المخبوزات تتفنن «سناء» فى صناعتها على مدار العامين الماضيين فيها كل العناصر الغذائية اللى تشجع الأطفال على الأكل».
إقبال كبير لاحظته «سناء» منذ اليوم الأول لطرح مشروعها، الأمر الذى حفزها على الاستمرار: «أولياء الأمور مرحبين بالفكرة، لأن الأكل جودته حلوة، وسعره على قد الإيد، وفى نفس الوقت نضيف وشكله حلو، فى ناس بتطلب منى كل يوم الأوردر وفى ناس بتطلب كل أسبوع وبعرفهم طريقة تخزينه وتسخينه».
تتراوح أسعار وجبات اللانش بوكس الجاهزة بين 10 و25 جنيهاً، وتختلف حسب الحجم والحشو: «أحلى حاجة بتعجب أولياء الأمور فى الفكرة أن السندوتشات محكمة مفيش أى حشو بيقع منها».
تعليقات الفيسبوك