«بالطو باسمك»، فكرة نفذها طلاب كليات الطب والصيدلة والهندسة والتمريض والعلوم، ليستقبلوا عاماً دراسياً جديداً بفكرة خارج الصندوق، فشعورهم بالفخر للالتحاق بكليات عملية، بعضها مصنف تحت اسم كليات «القمة»، حمسهم لفكرة ارتداء «بالطو» يحمل «لوجو» الكلية وأسماءهم.
إيهاب حسن، طالب بكلية الصيدلة، ومسئول عن تنفيذ الفكرة، التى جاءت لتطوير شكل «البالطو» المتعارف عليه، من حيث الجودة والخامة والشكل: «اخترنا خامة ووتربروف، وهى قيمة وتعيش لفترات طويلة، مش بتمتص أى مادة كيميائية من اللى بيستخدمها الطلاب فى الكليات العملية».
وجد الفريق إقبالاً كبيراً من جانب مسئولى الجامعات والطلاب لتنفيذ الفكرة خلال العام الدراسى المقبل، بحسب «إيهاب»: «رحبت بالفكرة كلية تمريض الزقازيق، وفيه تجار بمحافظات مختلفة تواصلوا معانا زى الدقهلية و6 أكتوبر والعاشر من رمضان، خاصة إن البالطو يخلق مظهر حضارى لما كل الطلاب يلبسوا نفس الشكل، وفرحنا جداً إن الفكرة هتطبق فى أماكن بشكل جماعى وليس فردى».
يتراوح سعر «البالطو» بين 100 و110 جنيهات، وفقاً لـ«إيهاب»: «مبلغ بسيط، مقارنة بخامته. زمان كان ردىء جداً، عبارة عن قماش شفاف بيتقطع بسرعة، مش بيتحمل مجهود الطالب طوال السنة، وكمان طباعة الاسم بشكل بارز على القماش وتطريزه، خطوة بتسعد صاحبه، خاصة لو بيدرس فى كلية الطب، لأنه بيكون نفسه الناس تعرفه وتتواصل معاه، وكمان الناس بتفرح بكلمة الدكتور راح الدكتور جه».
وبحسب «إيهاب» فإن الفكرة بدأت فى الانتشار فى محافظة المنوفية: «تجار البلاطى بيتاجروا فيه السنة دى، ومتفائلين بالتصميم الجديد».
تعليقات الفيسبوك