«عبدالستار» بجوار سيارته الأجرة
قرر الاحتفال بعيد الأضحى بطريقة خاصة تتناسب مع مهنته كصاحب مكتب سيارات أجرة، بدعم المسافرين لقضاء فترة الإجازة مع أسرهم، بخصم 50%، على خط (الشرقية - القاهرة)، خلال فترة العيد والأيام التى تسبقها، لتبدأ الأجرة من 35 جنيهاًً.
اعتاد عبدالستار صالح أن يقدم تخفيضات لزبائنه فى كل مناسبة على التعريفة الأساسية لركوب الميكروباص والليموزين، كنوع من المساعدة للبسطاء، ولزيادة الإقبال على مركباته: «أسر كاملة وعمال وموظفين بيشتغلوا بعيد عن محافظاتهم، وبيستنوا الإجازات عشان يسافروا لأهاليهم، وللأسف سواقين كتير بيستغلوا المواسم ويرفعوا الأجرة، وياخدوا أكتر من حقهم».
من الفجر يبدأ «عبدالستار» رحلاته، موزعاً السائقين على حسب عدد الرحلات والسيارات المتوافرة، وأتاح للزبائن إمكانية مشاهدة السيارة واختيارها قبل الحجز، وتقديم الشكاوى لفريق خدمة العملاء طوال الطريق، حال وجودها: «بحاول أنشط الرحلات، عشان أوفر على الأقل أجرة السائقين اللى بيشتغلوا معايا، وفيه أسر بتأجر العربية كاملة عشان تسافر المصيف».
غير «عبدالستار» من نشاطه التجارى نوعاً ما، حيث كان يعمل فى بيع السيارات، مقرراً تخصيصها للرحلات والسفر، وتقديم خدماته على مستوى جميع المحافظات: «هفضل محافظ على الخصومات فى كل مناسبة، أكيد 50 جنيه توفير هيفرق مع ناس كتير فى الأيام اللى إحنا فيها».
تعليقات الفيسبوك