التوبة
كل ما أقول توبة ضعفى يغلبنى
ويهلكنى ضميرى اللى بيأنبنى
أهرب من الألم ألقى الندم
ف جحيمه يعذبنى
وأخجل أدق بابك
ليكون الصد جوابك
ورغم صدق توبتى شيطانى يكذبنى
وأتوه ف دروب الحيرة
وأقول ع طريقك مش هقدر
وأسمعك تقولى ذنوبك الكبيرة
رحمتى منها أكبر
مهما شيطانك ليك يهمس
إنك له ف النار جار
من رحمتى لا تيأس
ما بييأس منها إلا الكفار
ما تسلمش لعدو آدم وحوا
مهما ضعفك عليك جار
خلقتك ضعيف لجل بيه تتقوى
خلقتك عاصى وسمتنى الغفار
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك