الحضرة والدرويش
وتخلص «الأطلال»
عين الولد مرسال
عصفور يتيم الريش
وانتى البعيدة جماد
قاسية مابتحسيش
ودمعته الشلال
تكسر إزاز روحه
حنى عليه وارضى
ياللى انت مابترضيش
شاور وقال رايح
صابح مسافر جيش
كل النجوم رجعت
وحده القمر غايب
طب ييجى ويعاتب
وإزاى يروح مايجيش
ساب الجواب لأمه
متحنى لون دمه
ياللى بخلتى عليه
حضن التراب ضمه
ولا قاله لأ مفيش
أهو سابلك الدنيا
لجنته الخضرا
ولا عشتى له حضرة
ولا عاشلك الدرويش
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك