قلبى عامر
يا ابْتسامة الخد قولى
ع اللى جوه القلب واحكى
وارفعى رمشك وسمِّى
تنطق الأزهار وتحكى
حزن كونى ليه مسطَّر
رجَّعى فَرْحى وضحكى
يا جفون العين ولمِّى
دمعة المقهور بيبكى
حيرة القلب المتيَّم
لمَّا نبضه يثور ويشكى
قلبى بيكى تاب وآمن
حطَّم الأصنام لشركى
رجَّعى عِينك تقولِّى
ع اللى جوه القلب تحكى
جوه كونِكْ قلبى عامِرْ
ويَّا روحك يعلا ضحكى
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك