صورة أرشيفية
علمونى فى بيت أبويا
إن صاحبى يبقى أخويا
وقت فرحك يبقى جنبك
وقت حزنك يبقى ساعدك
يمسح الدمع ف عيونك
علمونى فى بيت أبويا
إن صاحبى يبقى أخويا
علمونى فى بيت أبويا
إن صاحبك يبقى جارك
وقت همك وقت غمك
وقت ضيقتك يبقى دارك
علمونى فى بيت أبويا
إن صاحبى يبقى أخويا
علمونى حبة حبة
قوموونى ع المحبة
بس نسيو يعلمونى
بعض أفعالكو السفيهة
واللى فيها!!..
اللى سايح واللى نايح
واللى فاضح واللى بايح
بكل أسرارنا الكتيمة
واللى بيها ف مجالسكم
سبيتو الناس الكريمة
وأما جيت أحكيلكو عنهم
وجهتو لأهلى الشتيمة
على سعد الربيعى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك