متابعون لمباراة مصر فى قاعة أفراح بالقليوبية
تزامُن إقامة بطولة الأمم الأفريقية مع بداية موسم الأفراح فى فصل الصيف دفع بعض أصحاب قاعات الأفراح إلى تجهيز أماكن مخصصة لمشاهدة المباريات، حتى يستمتع المعازيم من عشاق الساحرة المستديرة بمشاهدة المباريات، وفى الوقت نفسه يحققون مكاسب.
محمد حسين، صاحب قاعة أفراح فى محافظة القليوبية، يوفر مكاناً آمناً للأسر والعائلات ومعازيم الأفراح لمشاهدة المباريات من خلال شاشات عرض كبيرة: «بدأنا الفكرة من بطولة كأس العالم بقالنا دلوقتى سنة، بنعتبر الفترة دى موسم بالنسبة لنا».
استقطع «حسين» جزءاً من القاعة ليشاهد المعازيم المباريات: «مش بنجبر أى حد على أى تكاليف إضافية والأكل أو الشرب زى الكافيهات، اللى عايز يطلب تمام واللى مش عايز براحته».
الخدمة نفسها يقدمها وائل عثمان، الذى يمتلك قاعات أفراح فى مدينة الجونة بالبحر الأحمر منذ 5 سنوات: «بتكون مزودة بعدد كبير من الكراسى والمقاعد وشاشات عرض كبيرة»، ووفقاً لـ«عثمان» فإن الإقبال على مشاهدة المباريات من المتوقع زيادته خلال الفترة المقبلة: «المباراة الافتتاحية واللى بعدها مكانش فيه إقبال كثيف لكن الفترة الجاية كل ما مصر هتكسب وهتصعد الإقبال هيزيد، والخير هيعم على الكل».
تعليقات الفيسبوك