وبكتبلك
وعارفة إن انت مبتقراش سطورى زى كل الناس
وعارفة إن انت بتصفّى وتعصر منّها الإحساس
فتلقى الشهد يصفالك
وينزل حرفى يملالك
بشوقه الحلو.. ملو الكاس
ولو مثلاً
لقتنى بقولك ازيك
أنا عارفة هتوصلّك
وحشنى كتير يا أغلى الناس
وبكتبلك «هتسمح تانى أكتبلك»
وانا قلبى بيفرض وقتها جيشه
ويبعت م العيون حراس
ويعلن حبه على قلبك
وواثق إنه لو حاربك
هيخلع منى تاج الكبر
ويشيلك ورود ع الراس
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك