«عماد» صنع تكييف من موتور وفلاتر ترشيح ماء
الارتفاع الكبير فى درجة الحرارة فى محافظات الصعيد، وفى الوقت نفسه غلاء أجهزة التكييف واستهلاكها الكبير للكهرباء، دفع بعض صنايعية الكهرباء هناك إلى تصنيع تكييف من خامات بسيطة يضفى جواً من البرودة وبأسعار تتراوح بين 700 و1500 جنيه.
برميل مياه باردة مثلجة مزود بمروحة صغيرة، فكرة «التكييف اليدوى»، الذى صنعه شوكت المنياوى، فنى كهرباء من محافظة المنيا، والذى لاقى إقبالاً كبيراً من الزبائن وبحسب «شوكت» فإن التكييف يهوّن درجة حرارة الطقس، خاصة فى ظل ارتفاع الحرارة بمدن الصعيد، وتصل تكلفته إلى 700 جنيه.
داخل ورشته بقرية أبوتيج بمحافظة أسيوط، صنع عماد فرج الله جهازاً لتبريد الهواء باستخدام موتور هواء وفلاتر ترشيح ماء وبحسب «عماد» فإن فكرته تقلل من حرارة الطقس نحو 10 درجات: «الجهاز بتاعى بيتكلف 1500 جنيه، هى تكلفة الموتور والفلاتر وقطعة الصاج المجلفن، الفكرة بتسمح للهوا اللى من الخارج إنه يتخلل فلاتر الهوا ويعدى على الميّه فبالتالى بيكون بارد وبتتم عملية التبريد بسهولة». يقوم «عماد» بتركيب الجهاز داخل صندوق مفتوح من أربع جهات حتى يسمح بالقيام بعملية التهوية: «فيه جهة بيكون فيها الريشة وجهة تانية بيدخل عن طريقها الميّه، والتهوية هى اللى بتسمح بعملية التبريد».
تعليقات الفيسبوك