لافتة علقتها شركة عقارات في بنها فاتهمت بخدش الحياء
"إحنا بنشتري راجل".. عبارة مكتوبة باللون الأحمر ومرسوم فوقها شارب أسود على لافتات إعلانية منتشرة في شوارع بنها وأسفلها مكتوب رقمين فقط بدون الإعلان عما وراء ذلك ولكنها جملة معتاد على الاستماع إليها في البيوت المصرية عندما يتقدم العريس لخطبة فتاة فيرد الوالد بهذه الجملة.
وبمجرد الاتصال بأحد الأرقام الموجودة على اللافتة تكتشف أنه يعود لإحدى شركات العقارات في بنها التي قررت التفكير في طريقة جديدة لشراء البيوت موضحا محمد فتحي مدير التسويق بالشركة لـ"الوطن": "فكرة إحنا بنشتري راجل لما حد يجي يتقدم أو كده بنقولوا إحنا بنشتري راجل وبعدين يلبس بقى هو في شقة بنص مليون مثلا والتوضيب فالفكرة جت من هنا إحنا هنسهل عليك الكلمة شوية وهنحاول نديك شقة بالتقسيط".
لم تكن هذه هي المرة الأولى التي انتشر فيها مثل هذا الإعلان في بنها فسبق وعلقت نفس الشركة منذ مدة قريبة لافتة "اتجوزني بقى يا أحمد" والتي تداولها مستخدمو مواقع التواصل الاجتماعي بشكل كبير لما فعلته من حالة استغراب لهم ولأهالي المدينة: "فكرة هتشتري راجل تكملة لموضوع اتجوزني بقى يا أحمد واحنا اللي بنفكر في الإعلانات دي وبنعملها وشبه بنغيرها كل أسبوع"، بحسب فتحي.
وتتهافت الاتصالات على الشركة منذ إطلاقها في شوارع بنها اليوم في الساعة الثانية عشر صباحا، سواء لمجرد الفضول ومعرفة ما المقصود من اللافتة ثم غلق الاتصال أو لاكتشافهم الأمر ومعرفة العروض للشراء: "لما لاقينا رد فعل كويس جدا من اتجوزني بقى يا أحمد فقولنا نعمل فكرة جديدة ونفذها"، مؤكدا فتحي أن بالطبع طريقة الدعابة لديها دور إيجابي: "احنا اللي بنعمل لنفسنا دعاية ومسمع مع الناس جدا وناس بتكلمنا تشوف الشقق".
ولكن إزال حي بنها الثلاث لافتات الإعلانية الموجودة تحت عنوان "إحنا بنشتري راجل" من الشوارع وفقا لرواية محمد فتحي: "قالوا إن احنا بنخدش الحياء وشالوا الملصق بس وسابوا الخشب واليافتة".
وتواصلت "الوطن" مع الدكتور عواد أحمد، سكرتير عام محافظة القليوبية، الذي رد على إزالة اللافتات بأنه صاحبه لم يحصل على ترخيص ولذلك تم رفع اللافتات من الشوارع قائلا: "ده إعلان نزل في وسط الشارع من غير ترخيص وده خاص بإحدى الشركات العقارية ونزل توضيح لي على كل الصفحات وهو عشان حط في وسط الشارع عنوان مسيء ومكنش معروف إيه هويته".
وأضاف عواد "المفروض اللي بيعمل إعلان بيجي يقدم طبقا للائحة الإعلانات وبياخد تصريح أنه بيعمل إعلان ومن ضمن شروط التصريح أن بتتراجع المادة الإعلانية لازم بتتوافق مع الأعراف لكن هو اتشال عشان هو مخالف اتحط في شارع رئيسي من غير ما يرجع للجهة المختصة للتصريح لي أنه يحط".
وأكد سكرتير عام محافظة القليوبية ال أن صاحب الإعلان لم يحصل على تصريح من الحي: "لا هو مش واخد تصريح هو حطه كده وكان لازم هيترفع، هو ماخدش الترخيص لأن من ضمن اشتراط الترخيص مراجعة المادة الإعلانية والهدف منها فيمكن الناس اللي بيرجعوا يقولوا إيه الهدف من أن تكتب كده وانت بتعلن عن حاجة تجارية وهو مقدمش اصلا".
بينما رد محمد فتحي مدير التسويق بالشركة بأنه لديه صورة تثبت أنه حصل على الترخيص قائلا: "احنا في المحافظة مش عايزين نمشي ومش عارفين نقابل المحافظ، احنا امبارح خدنا التصريح وكان واقف معانا حد أخد معاينة عليها وقال تمام علقوا اللافتات".
وأضاف فتحي: "هما بيقولوا احنا عملنا حاجة خادشة للحياء طيب إيه معايير خدش الحياء وليه متشلش الخشب وبس الملصق لو احنا مش معانا تراخيص".
تعليقات الفيسبوك