صورة أرشيفية
قمر ف وسط النجوم
زان السما محلاه
فى ليلة مافيهاش غيوم
بلغ الصفا منتهاه
والصحبة لمة فوق الشط وحصيرة
وصينية الشاى معاها كحك وفطيرة
وإيدين كتيرة ممدودة تسمى الله
ونسمة نادية تعدى عالغيطان وتجيب
عبير محبة يسلم ع القلوب والطيب
والناى بيبعت سلامه للحبايب نغم
وصل السلام عمر النغم ما تاه
يا دفتر الذكريات لسه التاريخ صاحى
رغم السنين الطويلة
طول الزمن ما محاه
يا ريت نراجع حياتنا
ونرجع اللى تاه
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك