أهالى إمبابة فى إفطار جماعى رمضان الماضى
انطلقت استعدادات شهر رمضان فى شارع طلعت حرب بمنطقة إمبابة مبكراً، بفضل محمد حسين وزملائه، الذين قرروا توفير متطلبات مائدة الرحمن، للحاق بالموسم، وتجنباً لزحمة الأسواق.
يحكى الشاب صاحب الـ28 عاماً، بداية إقامتهم للمائدة منذ 4 أعوام، بتبرع أحد الأهالى بمبلغ 10 آلاف جنيه، لتوفير وجبات إفطار الصائمين، وتكفل بمحتوياتها الجيران والأصدقاء بقية الأعوام، بتقديم مساعدات مادية أو بالمشاركة بالمجهود والأدوات: «إحنا حوالى 6 شباب مسئولين عن المائدة، كل يوم بيت حد فينا بيتولّى طبخ الأكلات عنده، وإحنا بنوزعها على المائدة والناس فى الشارع، وكل اللى عنده أدوات مطبخ بيجيبها».
تهالك أدوات التقديم والفرش جعل «محمد»، وأصدقاءه يبدأون التجهيزات مبكراً هذا العام قبل مجىء الشهر الكريم، بشراء عدد من الكراسى وكميات من الأخشاب لعمل طاولات جديدة تكفى لاستقبال 100 فرد، بدلاً من القديمة المتهالكة، وتبرع أحد أصحاب ورش النجارة بالمنطقة بصنعها: «كان لازم نبدأ بدرى عشان صاحب الورشة يلحق يعمل شغل المائدة جنب شغله الأساسى، ومن غير ما نحس بضغط فى الوقت والمجهود، السنة اللى فاتت اضطرينا نأخد ترابيزات من سنتر دروس جنبنا عشان تكفى زوار المائدة».
ينوى «محمد» الأيام المقبلة النزول لشراء الاحتياجات الغذائية للمائدة، بعد حساب تكلفتها المادية، حيث يتم توزيع ما يقرب من 150 وجبة خلال اليوم: «بنحاول نتعلم من تجربتنا فى السنين اللى فاتت، وعايزين نشتغل براحتنا من غير توتر، ونشترى احتياجاتنا بأسعار كويسة، ولحد دلوقت خلصنا كل التجديدات ومستمرين، وهنضاعف جهدنا الأيام الجاية لتوفير كل الالتزامات».
تعليقات الفيسبوك