صورة تعبيرية
ليلاتى يدق الموت بابنا
ونعمل قال مش سامعين
ليلاتى نودع حد من أحبابنا
ولسه المطامع جوانا عايشين
بينادى علينا كل دقيقة
ويفكرنا بيه ف الصحو والمنام
بيقول أنا وحدى الحقيقة
وكل ما ف الدنيا أوهام
لا بعمل لحد خاطر
ولا بفرق غنى عن فقير
بغلب اللى عاش شاطر
ومفيش عليه كبير
مفيش منى ناجى
مهما منى اتحصن
فى أى لحظه باجى
فاتقوا ربكم أحسن
الحزن يملا قلوبكم
لما حد غيركم أزور
تانى يوم الدنيا تاخدكم
وتنسوا إن عليكم الدور
ياكل ملهى ف الدنيا وناسى
لقا ربه اللى فوقه
هتروح فين من كاسى
مسيرك هتدوقه هتدوقه
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك