صورة أرشيفية
تتسبب صفات المدراء السيئة إلى ترك الموظفين للعمل، وخاصة الكفء الذين يحرصون على إتمام المهام على أكمل وجه.
ويقدم مصطفى خليفة استشاري تطوير الأعمال، أبرز الصفات السيئة لدى المديرين التي تتسبب في جعل الموظفين يتركون العمل كما يلي:
1. ينسب الشغل لنفسه
"كل ما تجتهد وتعمل شغلك بياخده منك وينسبه لنفسه، ومبيديش الفضل للفريق بتاعه وللناس اللي تعبت فيه".
2. المركزية في اتخاذ القرار
"مبيديش ثقه لحد وبياخد كل القرارات بنفسه، وبيمنع أي حد أنه ياخد قرار لوحده من غير ما يرجع له".
3. لا يأخذ لك حقك
"لو حصلت معاك مشكلة في الشغل مبيقفش معاك ويجيبلك حقك، وأوقات يبيع اللي تحتيه عشان يرضي مديرينه".
4. الترقية لأهل الثقة ليس الخبرة
"بيدي الترقية لأهل الثقة اللي بيعتبرهم رجالته حتى معندهمش خبرة أو مش شطار في الشغل على حساب المجتهدين والمميزين في الشغل"
5. مفيش شكر
"مهما اجتهدت وعملت شغل فوق شغلك أو أكتر من الطبيعي مبيقولش شكرا ومبيقدرش التعب والمجهود".
6. مش بيقف في ضهرك
"لو حصلت مشكلة في الشغل مع حد أو في خطأ في شغلك مش بيدافع عنك ويقف في ضهرك، دايما وانت شغال معاه مش حاسس أن ليك ضهر".
7. مش بيوزع الشغل صح
"مش بيوزع المهام المختلفة بشكل صحيح ودايما فيه ناس مستريحة على حساب ناس مضغوطة".
8. الإدارة الدقيقة
"بيتدخل في تفاصيل الشغل الصغيرة ومش بيدي مساحة للابتكار، ده غير أن الشغل لو متعملش بالطريقة اللي هو عايزها هيبقى شغلك وحش حتى لو حققت الغرض المطلوب".
9. يذكر مشاكلك بس
"مهما عملت دايما بيفتكر نقاط ضعفك وعمره ما بيذكر نقاط قوتك، دايما بيعاتبك عليها ومبيفتكرش الكويس".
10 . يفتقد الرؤية
"لا عنده رؤية للشغل ولا للناس اللي معاه، بيبص تحت رجليه ومفيش وضوح في الاتجاه اللي ماشيين فيه".
يتعرض كثيرون إلى عديد من التجارب المؤلمة التي تتغير حياتهم وقد تسبب لهم آثارًا نفسية سيئة، وربما يصل الحال بالبعض إلى الانعزال التام عن البشر.
نستعرض في التقرير التالي 3 أخطاء نرتكبها عند غسل الشعر تعرضه للتساقط والتلف، مع الإشارة إلى 3 وصفات لحمايته من التساقط.
جيل «Z» هو مشروع تخرج يناقش الفجوة الزمنية بين الأجيال القديمة والمعاصرة، وهو ما قامت به 16 طالبة من الفرقة الرابعة قسم الصحافة بكلية الإعلام جامعة القاهرة.
بعد عاصفة قنا وأسوان نستعرض خلال السطور التالية نصائح مهمة لقيادة آمنة خلال التقلبات الجوية والعواصف، وفقًا للإدارة العامة للمرور.
عام 2023 استقبلت فعاليات الموضة المحتشمة ما يقرب من 6 آلاف زائر، أما عام 2022 فقد حضر 3 آلاف زائر، وتقوم عارضات الأزياء بالمرور على المسرح
تعليقات الفيسبوك