صورة أرشيفية
تتسبب صفات المدراء السيئة إلى ترك الموظفين للعمل، وخاصة الكفء الذين يحرصون على إتمام المهام على أكمل وجه.
ويقدم مصطفى خليفة استشاري تطوير الأعمال، أبرز الصفات السيئة لدى المديرين التي تتسبب في جعل الموظفين يتركون العمل كما يلي:
1. ينسب الشغل لنفسه
"كل ما تجتهد وتعمل شغلك بياخده منك وينسبه لنفسه، ومبيديش الفضل للفريق بتاعه وللناس اللي تعبت فيه".
2. المركزية في اتخاذ القرار
"مبيديش ثقه لحد وبياخد كل القرارات بنفسه، وبيمنع أي حد أنه ياخد قرار لوحده من غير ما يرجع له".
3. لا يأخذ لك حقك
"لو حصلت معاك مشكلة في الشغل مبيقفش معاك ويجيبلك حقك، وأوقات يبيع اللي تحتيه عشان يرضي مديرينه".
4. الترقية لأهل الثقة ليس الخبرة
"بيدي الترقية لأهل الثقة اللي بيعتبرهم رجالته حتى معندهمش خبرة أو مش شطار في الشغل على حساب المجتهدين والمميزين في الشغل"
5. مفيش شكر
"مهما اجتهدت وعملت شغل فوق شغلك أو أكتر من الطبيعي مبيقولش شكرا ومبيقدرش التعب والمجهود".
6. مش بيقف في ضهرك
"لو حصلت مشكلة في الشغل مع حد أو في خطأ في شغلك مش بيدافع عنك ويقف في ضهرك، دايما وانت شغال معاه مش حاسس أن ليك ضهر".
7. مش بيوزع الشغل صح
"مش بيوزع المهام المختلفة بشكل صحيح ودايما فيه ناس مستريحة على حساب ناس مضغوطة".
8. الإدارة الدقيقة
"بيتدخل في تفاصيل الشغل الصغيرة ومش بيدي مساحة للابتكار، ده غير أن الشغل لو متعملش بالطريقة اللي هو عايزها هيبقى شغلك وحش حتى لو حققت الغرض المطلوب".
9. يذكر مشاكلك بس
"مهما عملت دايما بيفتكر نقاط ضعفك وعمره ما بيذكر نقاط قوتك، دايما بيعاتبك عليها ومبيفتكرش الكويس".
10 . يفتقد الرؤية
"لا عنده رؤية للشغل ولا للناس اللي معاه، بيبص تحت رجليه ومفيش وضوح في الاتجاه اللي ماشيين فيه".
يواجه العديد من المتزوجين في علاقاتهم الزوجية بعض المشاكل، وقد يتصاعد الأمر إلى ما هو أكبر من ذلك، وذلك بسبب صعوبة في التعامل مع بعض الزوجات الغاضبات.
خطر كبير يواجه الكلاب إذ تم إطعامها من طعام البشر، وتحديدًا الشيكولاتة، التي تعد من أخطر الأطعة عليها، وذلك لاحتوائها على مواد كيميائية محفزة.
يعد الخيار من أهم الخضروات التي تمد الجسم بالعناصر الغذائية، وهناك عناصر غذائة في ماء الخيار، يجهل عنها االكثير من الأشخاص ما أبرز هذه الفوائد؟
العديد من الأشخاص لا يدركون الفوائد التي يحتوي عليها البروكلي، كما أنهم يبتعدون عن تناوله، ونستعرض في التقرير التالي أبرز الفوائد التي يتميز بها «البروكلي».
مهما تعددت الكوارث، لم نرَ في العالم الخطر الحقيقي بعد، فالثقوب السوداء واحدة من أكثر الأماكن رعبًا، وإثارتها لرواد الفضاء ومحبي الفيزياء الكونية لا تنتهي.
تعليقات الفيسبوك