أحيانا يتعرض بعض الأشخاص لشعور بعدم الثقة بأنفسهم، بسبب عدد من المواقف التي مروا بها أو توجيه لهم نقد سلبي بشكل صعب في العمل.
ويقدم مصطفى خليفة استشاري تطوير الأعمال نصائح لزيادة الثقة بالنفس بالعمل في حال أن كنت ليس لديك ثقة بنفسك كما يلي:
1- اتكلم مع نفسك
"اتكلم مع نفسك بطريقة إيجابية وشجع نفسك عشان تتحسن ومتكررش أخطائك، أخطر حاجة أنك تقتنع أنك فاشل أو أنك مش شاطر، ده هيقفل أي فرص للتحسن قدامك".
2- الاعتراف بالخطأ
"لازم تعترف بالخطأ لأن ده أول طريق التصحيح، وتقتنع أن النجاح طريقة مش خطوات ناجحة ورا بعضها، في وسطهم عقبات وفشل وأخطاء، شطارتنا نقوم منها إزاي وبسرعة ونتعلم منها".
3- زود معرفتك
"التعلم بشكل مستمر ومعرفة معلومات وخبرات جديدة بيزود ثقتك في نفسك، حاول كل فتره تقرا وتتعلم حاجه جديدة".
4- حلل شخصيتك
"اعرف إيه نقاط القوة ونقاط الضعف، ركز على نقاط قوتك واظهرها ده بيديك ثقة كبيرة في نفسك، ونقاط ضعفك اشتغل عليها من خلال التعلم والممارسة عشان تكتسب مهارات جديدة".
5- اسأل كتير
"اسأل عشان تتعلم واطلب رأي الناس فيك من ناس تثق فيهم عشان يبقوا موضوعيين في النصيحة واشتغل على تحسين نفسك وتطويرها من خلال العمل على النصائح دي".
تعليقات الفيسبوك